МЗС: Беларусь удзячная Польшчы за запрашэнне, але Лукашэнка не прыедзе

© Sputnik / Виктор ТолочкоБудынак МЗС Беларусі
Будынак МЗС Беларусі - Sputnik Беларусь
Падпісацца
Прэзідэнта Беларусі польскі лідар запрашаў на мемарыяльныя мерапрыемствы з нагоды 80-й гадавіны пачатку Другой сусветнай вайны.

МІНСК, 27 жні - Sputnik. Беларусь на мерапрыемствах, прысвечаных 80-й гадавіне пачатку Другой сусветнай вайны ў Польшчы, будзе прадстаўляць Надзвычайны і Паўнамоцны Пасол.

Парад Перамогі ў Маскве - Sputnik Беларусь
Пуцін запрасіў Лукашэнку ў Маскву на святкаванне 9 мая ў 2020 годзе

У Варшаве 1 верасня 2019 года пройдуць мемарыяльныя мерапрыемствы з нагоды 80-й гадавіны пачатку Другой сусветнай вайны. Запрашэнні на гэтую падзею былі накіраваны польскім бокам на адрас кіраўнікоў дзяржаў краін-удзельніц Еўрапейскага саюза, НАТА і "Усходняга партнёрства", адзначылі ў беларускім МЗС.

"Мы ўдзячныя Прэзідэнту Польшчы за запрашэнне ў адрас кіраўніка беларускай дзяржавы", - адзначыў афіцыйны прадстаўнік беларускага МЗС Анатоль Глаз.

Ён дадаў, што памяць пра мільёны салдат савецкіх і саюзных войскаў, якія загінулі за свабоду і мірную будучыню на палях бітваў Другой сусветнай вайны, пра мільёны мірных жыхароў, якія сталі ахвярамі нацысцкіх карнікаў, святая для беларусаў.

Глаз дадаў, што ў падручніках беларускай гісторыі падкрэсліваецца, што менавіта Савецкі Саюз і яго народы зрабілі вырашальны і неацэнны ўнёсак у перамогу над нацызмам і ў вызваленне Еўропы.

У МЗС таксама адзначылі, што падзеі тых гадоў варта ўспрымаць як папярэджанне для цяперашняй сусветнай супольнасці пра неабходнасць захоўваць мір і бяспеку.

З 2013 года пасаду Надзвычайнага і Паўнамоцнага Пасла Беларусі ў Польшчы займае Аляксандр Авяр'янаў.

Стужка навiн
0