На гады наперад: Мезенцаў аб рэалізацыі праграмы дзеянняў па інтэграцыі

© Sputnik / Виктор ТолочкоПасол Расіі ў Беларусі Дзмітрый Мезенцаў
Пасол Расіі ў Беларусі Дзмітрый Мезенцаў - Sputnik Беларусь
Падпісацца
Пасол РФ перакананы, што ўзгадненне праграмы дзеянняў па рэалізацыі Саюзнага дагавора кіраўнікамі ўрадаў Беларусі і Расіі Сяргеем Румасам і Дзмітрыем Мядзведзевым - гэта важны крок, які адчуюць грамадзяне дзвюх краін.

МІНСК, 17 вер - Sputnik. Праграма дзеянняў па рэалізацыі Саюзнага дагавора разлічана на многія гады і вынік ад яе ўвасаблення ў жыццё адчуюць грамадзяне і Беларусі, і Расіі, пра гэта заявіў у аўторак Надзвычайны і Паўнамоцны пасол РФ Дзмітрый Мезенцаў.

Сцягі Беларусі і Расіі - Sputnik Беларусь
План інтэграцыі Расіі і Беларусі павінен быць прадстаўлены да канца года

Мезенцаў адзначыў, што Саюзны дагавор у свой час "пазначыў новыя магчымасці для грамадзян нашых краін" і "адкрыў многія дзверы, у тым ліку для прамысловай і вытворчай кааперацыі" прадстаўнікоў Беларусі і Расіі. Праграма дзеянняў па інтэграцыі, ўзгодненая на пачатку верасня урадамі дзвюх краін, стала яшчэ адным крокам у гэтым кірунку.

"Гэта праграма дзеянняў на гады наперад. Мы зрабілі важны крок, вынікі якога павінны адчуць і ў Беларусі, і ў Расіі", - канстатаваў пасол Расіі.

Нагадаем, 6 верасня прэм'ер-міністры Беларусі і Расіі Сяргей Румас і Дзмітрый Мядзведзеў парафіравалі праграму інтэграцыі дзвюх краін. Урады дзвюх краін завяршылі працу над падрыхтоўкай праграмы дзеянняў па рэалізацыі Саюзнай дамовы 1999 года, было зацверджана больш за 30 дарожных карт у розных сферах.

Стужка навiн
0