Еўрасаюз адклаў візіт Магерыні ў Мінск і сказаў чаму

© Sputnik / Алексей Витвицкий / Перайсці ў медыябанкСцягі з сімволікай Еўрасаюза
Сцягі з сімволікай Еўрасаюза - Sputnik Беларусь
Падпісацца
Прычынай у дыпламатычных колах называюць "змены ў раскладзе" ў некаторых удзельнікаў перамоваў. Падрабязнасці пакуль не вядомыя.

МІНСК, 3 кас - Sputnik. Візіт кіраўніка Еўрапейскага саюза па замежных справах Федэрыка Магерыні ў Мінск адменены, паведамілі ў прадстаўніцтве ЕС у Беларусі.

Беларускі дэпутат: ЕС трэба ставіць пытанне аб адмене віз для беларусаў - Sputnik Беларусь
Беларускі дэпутат: ЕС трэба ставіць пытанне аб адмене віз для беларусаў

Там адзначылі, што прычына пераносу візіту - "змены ў раскладзе" у некаторых удзельнікаў перамоваў.

"Візіт высокага прадстаўніка ў Беларусь, а таксама міністэрскае мерапрыемства праграмы "Усходняга партнёрства" адкладаюцца ў сувязі з шэрагам змяненняў парадку дня розных удзельнікаў, а таксама пасля кантактаў з прымаючым беларускім бокам", - сказалі ў прадстаўніцтве.

Пакуль не вядомыя ні падрабязнасці прычын, якія прывялі да такога рашэння, ні новыя магчымыя тэрміны візіту чыноўніка ЕС у Мінск.

Прэс-сакратар МЗС Анатоль Глаз пацвердзіў перанос візіту Магерыні ў Мінск, аднак падрабязнасцяў датычна тэрмінаў пераносу ў знешнепалітычным ведамстве не назвалі.

Раней экс-кіраўнік прадстаўніцтва ЕС у Беларусі Андрэа Віктарын заяўляла, што падчас візіту Магерыні ў Мінск магло быць падпісана візавае пагадненне з Еўрасаюзам. Прыезд дыпламата быў запланаваны на 4-5 верасня ў рамках мерапрыемстваў Форума "Еўрапейская бяспека: адысці ад краю прорвы".

Дакумент павінен быў аблегчыць працэдуры і кошту атрымання беларусамі шэнгенскіх віз.

Стужка навiн
0