09:11 17 кастрычніка 2019
«Радыё Sputnik»
  • USD2.05
  • EUR2.26
  • 100 RUB3.18
Збор подпісаў

У Беларусі пачынаецца рэгістрацыя кандыдатаў у дэпутаты

© Sputnik Виктор Толочко
Палітыка
Атрымаць кароткую спасылку
Парламенцкія выбары - 2019 (54)
710

Пасля завяршэння этапу рэгістрацыі прэтэндэнты на дэпутацкае крэсла змогуць пачаць перадвыбарную агітацыю ў СМІ.

МІНСК, 8 кас - Sputnik. Рэгістрацыя кандыдатаў у дэпутаты Палаты прадстаўнікоў Нацыянальнага сходу пачалася ў аўторак. Акруговыя выбаркамы будуць прымаць дакументы патэнцыйных народных абраннікаў да 17 кастрычніка.

Пасля завяршэння рэгістрацыйнага этапу прэтэндэнты на дэпутацкі мандат змогуць пачаць уласную перадвыбарчую агітацыю. 18 кастрычніка акруговыя выбаркамы правядуць жараб'ёўку паміж кандыдатамі - так будзе вызначана дата і час іх выступу на дзяржаўных радыё і ТБ.

З 21 кастрычніка па 6 лістапада па працоўных днях кандыдаты ў дэпутаты змогуць выступіць на радыё і тэлебачанні. Радыёвыступы прадугледжаны па раніцах - з 7:00 да 8:00, тэлевізійныя - увечары, з 19:00 да 20:00. Эфірны час кандыдатам дадуць рэгіянальныя радыёстанцыі і тэлерадыёкампаніі.

Тэлерадыёкампаніі вызначаць фармат правядзення тэледэбатаў і вядучых для іх. Эфірны час для гэтага рэзервуецца з разліку - 5 хвілін на аднаго кандыдата.

Кандыдаты таксама могуць апублікаваць свае перадвыбарчыя праграмы ў адной з рэспубліканскіх газет ( "Звязда", "Рэспубліка") або ў абласных, раённых ці гарадскіх выданнях.

Выбары ў Палату прадстаўнікоў Нацыянальнага сходу прызначаныя на 17 лістапада. Таксама ў лістападзе пройдуць выбары ў Савет Рэспублікі, яны прызначаны на 7 лістапада. Вылучэнне кандыдатаў у сенатары афіцыйна заканчваецца сёння, 8 кастрычніка, аднак па факце ўсе рэгіёны ўжо вылучылі сваіх кандыдатаў.

Тэмы:
Парламенцкія выбары - 2019 (54)
Тэги:
Парламенцкія выбары, Палата прадстаўнікоў Нацыянальнага Сходу РБ, Беларусь

Галоўныя тэмы