Выбары ў парламент: стаў вядомы "конкурс" на крэсла дэпутата

© Sputnik / Виктор ТолочкоАвальная зала пасля рамонту
Авальная зала пасля рамонту - Sputnik Беларусь
Падпісацца
На 110 дэпутацкіх месцаў у Палаце прадстаўнікоў на выбарах у гэтым годзе прэтэндуюць звыш 700 чалавек.

МІНСК, 9 кас - Sputnik. Кандыдатамі ў дэпутаты Палаты прадстаўнікоў Нацыянальнага сходу Беларусі вылучаны больш за 700 чалавек, сведчаць дадзеныя Цэнтрвыбаркама рэспублікі.

Збор подпісаў - Sputnik Беларусь
У Беларусі пачынаецца рэгістрацыя кандыдатаў у дэпутаты

Напярэдадні ў краіне завяршыўся перыяд вылучэння кандыдатаў. Пасля гэтага пройдзе этап праверкі прадстаўленых імі дакументаў і рэгістрацыі, якая скончыцца 17 кастрычніка.

Усяго ў ЦВК паступіла 824 камплекты дакументаў, кандыдатамі ў дэпутаты Палаты прадстаўнікоў вылучаны 703 чалавекі, з іх 424 - палітычнымі партыямі, 272 - шляхам збору подпісаў і 128 - працоўнымі калектывамі (некаторыя прэтэндэнты выкарыстоўвалі не адзін спосаб вылучэння).

Самай актыўнай партыяй стала Ліберальна-дэмакратычная - яна на сёлетнія выбары вылучыла 107 прадстаўнікоў.

Паводле звестак Цэнтрвыбаркама, за права ўвайсці ў склад новага парламента будуць змагацца 34 дэпутаты дзеючага склікання.

Выбары ў Палату прадстаўнікоў адбудуцца ў Беларусі 17 лістапада. Грамадзяне рэспублікі змогуць прагаласаваць на больш чым 5,8 тысячы участкаў. Усяго ў парламент абяруць 110 дэпутатаў.

Стужка навiн
0