Асноўная місія БДІПЧ АБСЕ пачала назіранне за выбарамі ў Беларусі

© Photo : ЦИК РБСустрэча старшыні Цэнтральнай камісіі Лідзіі Ярмошынай з кіраўніком місіі БДІПЧ АБСЕ
Сустрэча старшыні Цэнтральнай камісіі Лідзіі Ярмошынай з кіраўніком місіі БДІПЧ АБСЕ - Sputnik Беларусь
Падпісацца
Кіраўнік Цэнтрвыбаркама Беларусі ўручыла кіраўніку місіі доўгатэрміновых назіральнікаў адпаведнае пасведчанне.

МІНСК, 16 кас - Sputnik. Місія Бюро па дэмакратычных інстытутах і правах чалавека (БДІПЧ), у якую ўвайшлі больш за 11 экспертаў, пачала назіранне за парламенцкімі выбарамі ў Беларусі, паведамляе сайт АБСЕ.

Старшыня Цэнтральнай выбарчай камісіі Беларусі Лідзія Ярмошына - Sputnik Беларусь
"Кажам пра альтэрнатыўныя выбары": Ярмошына - пра парламенцкую кампанію

Гэта другая частка доўгатэрміновых назіральнікаў ад БДІПЧ АБСЕ, якія прыехалі ў Мінск. У пачатку кастрычніка ў Беларусь прыбыла тэхнічная місія назіральнікаў ад гэтай міжнароднай структуры.

Кіраўнік ЦВК Беларусі Лідзія Ярмошына правяла сустрэчу ў Мінску назіральнікамі, якія прыбылі, і ўручыла ім пасведчанні. Акрамя гэтага, яна распавяла ім пра ход выбарчай кампаніі, звароты і скаргі, якія паступаюць у ЦВК.

Склад місіі

Як паведамляе сайт АБСЕ, у склад асноўнай місіі доўгатэрміновых назіральнікаў, якія прыбылі ў Мінск, уваходзіць група з 11 экспертаў. Місію назіральнікаў ўзначальвае Карнэлія Вільемін Анке Ёнкер (Нідэрланды).

Выбары-2019: у Беларусі будуць працаваць больш за 5,8 тысячы участкаў - Sputnik Беларусь
Выбары-2019: у Беларусі будуць працаваць больш за 5,8 тысячы участкаў

Акрамя гэтага, з 23 кастрычніка падключыцца яшчэ больш за 20 назіральнікаў ад гэтай міжнароднай структуры.

Усяго БДІПЧ будзе прасіць краіны АБСЕ накіраваць у Беларусь больш за 400 кароткатэрміновых назіральнікаў. Такая колькасць экспертаў ад краін-удзельніц АБСЕ, як правіла, прыязджае падчас парламенцкіх выбараў, і ў два разы больш - падчас прэзідэнцкай кампаніі.

Па традыцыі, якая склалася, на наступны дзень пасля асноўнага дня галасавання місія БДІПЧ АБСЕ правядзе ў Мінску прэс-канферэнцыю, на якой агучыць папярэднія вынікі выбараў. Канчатковая справаздача аб беларускіх парламенцкіх выбарах будзе апублікаваны прыкладна праз два месяцы.

Стужка навiн
0