11:35 19 лістапада 2019
«Радыё Sputnik»
  • USD2.05
  • EUR2.26
  • 100 RUB3.21
Дзяржаўныя сцягі Расіі і Беларусі

Беларусь і Расія блізкія да падпісання дакументаў аб "саюзным Шэнгене"

© Sputnik / Андрей Александров
Палітыка
Атрымаць кароткую спасылку
810

Завяршаецца праца над праектам канцэпцыі міграцыйнай палітыкі саюзнай дзяржавы да 2025 года.

МІНСК, 31 кас - Sputnik. Беларусь і Расія завяршаюць працэдуры па падпісанні дакументаў аб увядзенні "саюзнага шэнгена", паведаміў намеснік дырэктара другога дэпартамента краін СНД МЗС Расіі Дзмітрый Ветраў.

Сёння ў Мінску праходзіць пасяджэнне камісіі па бяспецы, абароне і барацьбе са злачыннасцю парламенцкага сходу саюза Беларусі і Расіі, на якім абмяркоўваюць праект канцэпцыі міграцыйнай палітыкі на перыяд да 2025 года.

В Минске обсуждают проект концепции миграционной политики на период до 2025 года
© Sputnik / Анна Нефедова
У Мінску абмяркоўваюць праект канцэпцыі міграцыйнай палітыкі на перыяд да 2025 года

"Ідзе фарміраванне шэнгена "на дваіх". Шмат што ўжо зроблена. Праект канцэпцыі азначае прывядзенне да адзінага стандарту дакументаў аб узаемным прызнанні і выдачы віз", - сказаў Ветраў.

Паводле яго слоў, палегчаны варыянт "саюзнага шэнгена" быў адпрацаваны падчас чэмпіянату свету па футболе ў Расіі і на II Еўрапейскіх гульнях у Беларусі. Вятроў удакладніў, што пагадненне аб узаемным прызнанні візаў прадугледжвае абмен інфармацыяй аб выдадзеных i ануляваных візах для грамадзян трэціх краін.

"Расійскі бок выканаў унутраныя працэдуры па ўзгадненні дакумента, чакаем цяпер гэтага ад беларускага боку", - адзначыў прадстаўнік МЗС РФ.

"Праведзена маштабная работа па падрыхтоўцы канцэпцыі міграцыйнай палітыкі Саюзнай дзяржавы Беларусі і Расіі. (...) створана аснова для правядзення дзяржаўных працэдур па ўзгадненні", - заявіў на пасяджэнні камісіі першы намеснік начальніка дэпартамента па грамадзянстве і міграцыі МУС Беларусі Віталь Навумчык.

Паводле яго слоў, у цяперашні час праекты канцэпцыі накіраваны на ўзгадненне ў дзяржорганы Беларусі і Расіі. Праекты дакументаў узгоднены зацікаўленымі органамі Беларусі, у цяперашні час ідзе праца над заўвагамі, якія былі вылучаны МЗС і Мінадукацыі краіны.

У сваю чаргу прадстаўнік МУС Расіі ў Беларусі Антон Александровіч паведаміў, што "расійскі бок правёў шэраг узгадняльных працэдур па праекце міграцыйнай канцэпцыі, праца па яго дапрацоўцы працягваецца. Пасля чаго бакі будуць гатовыя да завяршальнай стадыі і падпісання дакумента".

Тэги:
шэнгенская віза, Расія, Беларусь

Галоўныя тэмы