21:53 14 снежня 2019
«Радыё Sputnik»
  • USD2.10
  • EUR2.35
  • 100 RUB3.36
Бузоўскі: выхадкі СМІ на выбарах атрымаюць прававую ацэнку

Бузоўскі: выхадкі СМІ на выбарах атрымаюць прававую ацэнку

© Sputnik / Виктор Толочко
Палітыка
Атрымаць кароткую спасылку
Парламенцкія выбары - 2019 (97)
1410

Бузоўскі прагаласаваў датэрмінова і нагадаў, што не ва ўсіх ёсць магчымасць прыйсці на ўчасткі ў асноўны дзень з-за пэўных службовых абавязкаў або бытавых праблем.

МІНСК, 15 ліс - Sputnik. Некарэктная праца некаторых сродкаў масавай інфармацыі падчас выбараў у Палату прадстаўнікоў Нацыянальнага сходу Беларусі яшчэ атрымае прававую ацэнку, заявіў намеснік міністра інфармацыі Ігар Бузоўскі.

"Працу СМІ можна ацаніць з двух пунктаў гледжання. З аднаго боку - заканадаўча. Нейкія выхадкі, якія мы сёння заўважаем, я думаю, атрымаюць прававую ацэнку. Але натуральна, што ёсць і іншая ацэнка - грамадзянская", - цытуе ягоныя словы БелТА.

Намеснік міністра перакананы, што людзі самі ацэняць дзейнасць СМІ і актывістаў у сацсетках. На яго думку, у аснове працы сродкаў масавай інфармацыі павінны быць грамадскі дыялог і фарміраванне пачуцця прыналежнасці.

"Яркая палітычная рэклама, буфанада, хайп і тым больш спекуляцыя на брудзе - гэта тактыка, якая вядзе ў нікуды. Сапраўдны дыялог - гэта стратэгія фарміравання даверу грамадскасці", - сказаў Бузоўскі.

У пятніцу ён прыйшоў прагаласаваць датэрмінова. На пытанне пра сваё рашэнне нагадаў пра тое, што не ва ўсіх з-за пэўных службовых абавязкаў або бытавых праблем ёсць магчымасць прыйсці на ўчасткі ў асноўны дзень, а датэрміновае галасаванне дае магчымасць паўдзельнічаць у выбарах.

"Гэта міжнародная практыка, і лічу, што яна дазваляе ўсім выканаць свой грамадзянскі абавязак у гэтыя дні", - сказаў намеснік міністра.

Выбары ў Палату прадстаўнікоў адбудуцца ў Беларусь 17 лістапада: у рэспубліцы з 516 кандыдатаў абяруць 110 дэпутатаў. Паводле апошніх звестак, за тры дні датэрмінова прагаласавалі амаль 20% беларусаў.

Тэмы:
Парламенцкія выбары - 2019 (97)
Тэги:
Парламенцкія выбары, Міністэрства інфармацыі Рэспублікі Беларусь, Ігар Бузоўскі

Галоўныя тэмы