МІНСК, 31 сне - Sputnik. Прэзідэнты Беларусі і Расіі Аляксандр Лукашэнка і Уладзімір Пуцін правялі у аўторак 31 снежня чарговую тэлефонную размову, паведамілі ў прэс-службе беларускага лідара.
Лукашэнка і Пуцін стэлефаноўваліся напярэдадні: кіраўнікі дзяржаў абмяняліся віншаваннямі, а таксама абмеркавалі актуальную тэму - пастаўкі нафты і газу ў Беларусь. У аўторак прэзідэнты зноў правялі перамовы - па ініцыятыве расійскага боку.
"У працяг і развіццё ўчорашняй размовы кіраўнікі дзяржаў абмеркавалі тэму паставак вуглевадародаў, звярнуўшы асаблівую ўвагу на пастаўкі нафты ў Рэспубліку Беларусь", - паведамілі ў прэс-службе.
Падрабязнасці размовы не прыводзяцца.
Нагадаем, напярэдадні Лукашэнка і Пуцін дамовіліся, што ў выпадку адсутнасці выніковай дамоўленасці па пастаўках вуглевадародаў да 1 студзеня яны будуць часова ажыццяўляцца па "прамежкавым" сцэнары.
