Мацвіенка: Беларусь накіраваная на глыбокае супрацоўніцтва з Расіяй

© Sputnik / Виктор ТолочкоСпікер Савета Федэрацыі Валянціна Мацвіенка ў ходзе візіту ў Брэсцкую крэпасць
Спікер Савета Федэрацыі Валянціна Мацвіенка ў ходзе візіту ў Брэсцкую крэпасць - Sputnik Беларусь
Падпісацца
Напярэдадні спікер верхняй палаты расійскага парламента сустракалася з прэзідэнтам Беларусі Аляксандрам Лукашэнкам.

БРЭСТ, 6 сак - Sputnik. Гутарка з прэзідэнтам Беларусі насіла канструктыўны характар, сказала спікер Савета Федэрацыі Валянціна Мацвіенка ў ходзе візіту ў Брэсцкую крэпасць, перадае карэспандэнт Sputnik.

Пасол Расіі ў Беларусі Дзмітрый Мезенцаў і старшыня Савета Федэрацыі Валянціна Мацвіенка ў Мінску - Sputnik Беларусь
Мацвіенка: вектар адносінаў Беларусі і Расіі задаюць прэзідэнты

Адказваючы на пытанне пра тое, якія тэмы закраналіся ў ходзе размовы з беларускім прэзідэнтам спікер заявіла, што "была працяглая і канструктыўная размова. Мы даўно адзін аднаго ведаем з Аляксандрам Рыгоравічам, таму многія пытанні мы маглі абмяркоўваць прама і адкрыта, не абмінаючы ніякія праблемы".

Паводле яе слоў, у ходзе сустрэч у парламенце і з прэзідэнтам, а цяпер на сустрэчы з ветэранамі, у нас склалася гульнае меркаванне, што "мы павінны і далей працягваць актыўна развіваць наша стратэгічнае супрацоўніцтва, партнёрства".

"Мы прайшлі разам не толькі цяжкія гады вайны, але і цяжкія 90-ыя гады і шмат разам зрабілі", - канстатавала Валянціна Мацвіенка.

Пасля чаго дадала, што "сёння наша супрацоўніцтва шматпланавае і ахоплівае і эканамічную сферу і адукацыю, навуку, культуру, чалавечыя зносіны і кантакты і, вядома, актыўны ўдзел у інтэграцыйных працэсах, якія адбываюцца на прасторы СНД".

"Мы не толькі пачулі, але і адчулі, што ў Беларусі цвёрды настрой на працяг глыбокага супрацоўніцтва з Расіяй на падмурку нашай агульнай гісторыі, супольнасці культуры, мовы, агульнай духоўнасці і веры. Гэта ўсё шчыра", - асабліва адзначыла расійскі палітык.

"На сёння той парадак дня, які існуе, будзе вырашацца ў спакойным працоўным рэжыме з улікам інтарэсаў адзін аднаго на раўнапраўнай аснове", - лічыць Валянціна Мацвіенка.

Пры гэтым яна адзначыла, што гэты працэс будзе ісці таксама "з улікам павагі суверэнітэту нашых краін у добразычлівым і даверным ключы".

Стужка навiн
0