05:47 07 чэрвеня 2020
«Радыё Sputnik»
  • USD2.38
  • EUR2.70
  • 100 RUB3.47
Палітыка
Атрымаць кароткую спасылку
16 0 0

Дадзенае рашэнне дасць магчымасць павысіць эфектыўнасць навігацыйнага забеспячэння рэгіянальнай групоўкі войскаў Саюзнай дзяржавы.

МІНСК, 22 мая - Sputnik. Парламент ратыфікаваў міжурадавае беларуска-расійскае пагадненне аб узаемным абмене геапрасторавай інфармацыяй паміж узброенымі сіламі, прадстаўленае міністрам абароны Беларусі Віктарам Хрэніным, паведамілі ў прэс-службе Мінабароны.

Па словах міністра абароны, гэты дакумент дасць магчымасць павысіць эфектыўнасць навігацыйнага забеспячэння рэгіянальнай групоўкі войскаў Беларусі і Расіі. У прыватнасці, гэта неабходна для правядзення сумесных мерапрыемстваў па аператыўнай падрыхтоўцы.

"Ратыфікацыя дазволіць тапаграфічным службам павысіць аператыўнасць забеспячэння ўзброеных сіл сродкамі тапагеадэзічнай інфармацыі на зону адказнасці рэгіянальнай групоўкі войскаў", - растлумачыў Хрэнін.

Таксама прыняцце гэтага дакумента адкрые магчымасці для уніфікацыі тэхналогій і нарматыўнай, тэхнічнай дакументацыі, што ў сваю чаргу дазволіць знізіць выдаткі. У сукупнасці гэта павысіць магчымасці вайскоўцаў у Беларусі і Расіі па стварэнні геапрасторавай інфармацыі.

Ваенныя дзвюх краін у рамках Саюзнай дзяржавы прадоўжаць супрацоўніцтва ў мэтах стварэння банкаў даных геапрасторавай інфармацыі і навучання спецыялістаў.

Тэги:
Расія, Беларусь

Галоўныя тэмы