МІНСК, 26 чэр - Sputnik. Міністр замежных спраў Уладзімір Макей пацвердзіў намер Беларусі запрасіць міжнародных назіральнікаў на прэзідэнцкія выбары. Пра гэта ён паведаміў журналістам у пятніцу.
На пытанне журналіста аб намеры Беларусі запрашаць міжнародных назіральнікаў на будучыя выбары, кіраўнік МЗС краіны адказаў станоўча.
"Так, будзем (запрашаць). Мы запыталі ў Міністэрстве аховы здароўя іх меркаванне адносна эпідэміялагічнай сітуацыі, пра тое, як нам дзейнічаць у выпадку прыезду замежных назіральнікаў на выбары. На падставе гэтай інфармацыі будзем затым фармуляваць нашы прапановы", - сказаў Макей, яго цытуе БелТА.
Нагадаем, раней кіраўнік ЦВК Беларусі Лідзія Ярмошына паведамляла пра тое, што запрашэнне міжнародным назіральнікам на працу ў рамках будучых выбараў будзе накіравана пасля рэгістрацыі кандыдатаў у прэзідэнты, гэта значыць пасля 14 ліпеня.
У Беларусі працягваецца праверка здадзеных у падтрымку вылучэння кандыдатаў у прэзідэнты. Зараз у гонцы ўдзельнічаюць сем прэтэндэнтаў на вышэйшую ў краіне пасаду. Выбары прэзідэнта пройдуць у Беларусі 9 жніўня.
Чытайце таксама:
- Лукашэнка: выбары 9 жніўня пройдуць без фальсіфікацый
