МІНСК, 14 ліп - Sputnik. Прэзідэнт Беларусі Аляксандр Лукашэнка ізноў адмовіўся ад права выступіць у эфіры тэлебачання і радыё са сваёй перадвыбарнай праграмай, паведамілі ў аўторак на пасяджэнні Цэнтрвыбаркама.
Пасля рэгістрацыі кандыдатаў у прэзідэнты, якая адбылася ў аўторак, Цэнтрвыбаркам правёў жараб'ёўку прадастаўлення прэтэндэнтам на вышэйшую пасаду часу ў эфіры дзяржаўнага тэлебачання і радыё для прэзентацыі сваёй перадвыбарнай праграмы.
"Дзейны кіраўнік дзяржавы Аляксандр Рыгоравіч Лукашэнка, які балатуецца на новы тэрмін, адмовіўся ад прадастаўленага яму выбарчым заканадаўствам часу на перадвыбарныя выступы", - паведаміла загадчык аддзела прававой, аналітычнай і метадычнай работай апарата Цэнтрвыбаркама Галіна Мкртчан.
Астатнія прэтэндэнты (Андрэй Дзмітрыеў, Святлана Ціханоўская, Сяргей Чарэчань і Ганна Канапацкая) ад прадастаўленага часу не адмовіліся.
Нагадаем, Лукашэнка на кожных выбараў адмаўляецца ад права выступаць у эфіры: так было ў 2015, 2010, 2006 і 2001 гадах. Выступаў ён толькі перад першымі сваімі выбарамі ў 1994 годзе.
Агітацыя за кандыдатаў стартуе ўжо 15 ліпеня. Выбары прэзідэнта пройдуць 9 жніўня.
