Суд разглядае скаргу на арышт Марыі Калеснікавай

© Sputnik / Анна НефедоваОтец Марии Колесниковой и ее адвокат Людмила Казак
Отец Марии Колесниковой и ее адвокат Людмила Казак - Sputnik Беларусь
Падпісацца
Калеснікава, якую абвінавачваюць у закліках да змены ўлады, удзельнічае ў судзе, што праходзіць за зачыненымі дзвярыма, па скайпе з жодзінскага СІЗА.

МІНСК, 21 вер - Sputnik. Мінскі гарадскі суд пачаў разгляд скаргі абароны сябра прэзідыума Каардынацыйнага савета Марыі Калеснікавай на прымяненне да яе меры ўтрымання ў выглядзе заключэння пад варту, перадае карэспандэнт Sputnik.

Адвакат Максім Знак - Sputnik Беларусь
Справа каардынацыйнага савета: Максім Знак абвясціў у СІЗА галадоўку

На пасяджэнне суда 21 верасня прыйшло некалькі дзясяткаў чалавек, у тым ліку і паслы шэрагу краін Еўрасаюза, а таксама дыпламаты прадстаўніцтва ЕС у Мінску і бацька палітыка Аляксандр Калеснікаў.

Разгляд скаргі праходзіць за зачыненымі дзвярыма. На судовым пасяджэнні прысутнічаюць акрамя суддзі толькі адвакаты Калеснікавай і пракурор. Сама Марыя Калеснікава ўдзельнічае паседжанні па скайпе.

Генеральная пракуратура 19 жніўня ўзбудзіла крымінальную справу па факце стварэння Каардынацыйнага савета (КС). Гаворка ідзе пра заклікі да захопу ўлады. Па гэтай справе акрамя Калеснікавай затрыманыя яшчэ два члена прэзідыума Каардынацыйнага савета - адвакаты Максім Знак і Ілля Салей.

Калі пачаўся суд, дыпламаты засталіся чакаць заканчэння разгляду скаргі перад дзвярыма залы судовых пасяджэнняў на чацвёртым паверсе Мінгарсуда. Яшчэ да пачатку пасяджэння бацька Калеснікавай падзякаваў еўрапейскім дыпламатам за тое, што яны прыйшлі на суд. Пры гэтым ён паведаміў, што яму зараз паступае шмат званкоў з Еўропы.

"Падтрымліваюць, тэлефануе шмат сяброў з Германіі. Гэта вельмі важная падтрымка для нас, для Марыі, гэта вельмі прыемна", - сказаў бацька палітыка.

© Sputnik / Анна НефедоваНа пасяджэнне суда па скарзе Марыі Калеснікавай прыйшло некалькі дзясяткаў чалавек
Суд разглядае скаргу на арышт Марыі Калеснікавай - Sputnik Беларусь
На пасяджэнне суда па скарзе Марыі Калеснікавай прыйшло некалькі дзясяткаў чалавек

Паводле яго слоў, мэр аднаго з гарадоў Германіі ўжо паабяцаў "звярнуцца ў Бундэстаг, каб паўплываць на сітуацыю". Як распавёў Sputnik Аляксандр Калеснікаў, у яго яшчэ не было спаткання з Марыяй.

"Я ведаю толькі тое, што з'яўляецца ў інтэрнэце, што распавядае адвакат. Пакуль спатканняў з ёй мне не даюць", - сказаў Калеснікаў.

Судовае рашэнне па скарзе на арышт Калеснікавай будзе абвешчана публічна, як чакаецца, сёння.

Стужка навiн
0