Прадстаўніцтва ЕС расказала аб сустрэчы заходніх дыпламатаў з Макеем

© Sputnik / Виктор ТолочкоКіраўнік МЗС Беларусі Уладзімір Макей
Кіраўнік МЗС Беларусі Уладзімір Макей - Sputnik Беларусь
Падпісацца
Сярод іншага дыпработнікі выказалі надзею на тое, што паслы Літвы і Польшчы вернуцца ў Беларусь да канца года.

МІНСК, 10 сне - Sputnik. Заходнія дыпламаты сустрэліся з кіраўніком МЗС Беларусі Уладзімірам Макеем, гаворыцца на сайце Прадстаўніцтва ЕС у Беларусі.

У сустрэчы прымалі ўдзел кіраўнікі дыпламатычных місій ЕС і краін-членаў ЕС, прадстаўленых у Мінску, а таксама Вялікабрытаніі, Швейцарыі і ЗША.

Чаго дыпламаты чакаюць ад Беларусі?

"Дыпламаты пацікавіліся планамі беларускіх уладаў па выкананні патрабаванняў канстытуцыі краіны і міжнародных абавязацельстваў у дачыненні да асноўных правоў і свабод, а таксама вяршэнства закона", - гаворыцца ў паведамленні.

Кіраўнік МЗС Украіны Дзмітрый Кулеба - Sputnik Беларусь
МЗС Украіны выступіў супраць эканамічных санкцый у дачыненні да Беларусі

Там растлумачылі, што прытрымліванне беларускіх уладаў пазначаных прынцыпаў павінна выяўляцца сярод іншага праз спыненне "затрыманняў, гвалту і бесчалавечнага абыходжання з мірнымі дэманстрантамі", вызваленне ўсіх палітвязняў і несправядліва затрыманых, пераслед тых, хто санкцыянаваў і здзяйсняў акты гвалту.

Яшчэ адзін пункт, пазначаны дыпламатамі, звязаны з правядзеннем "свабодных і справядлівых выбараў пад незалежным назіраннем".

Дыпламаты таксама распавялі пра магчымыя сцэнары развіцця двухбаковых адносінаў, калі беларускія ўлады правядуць адчувальныя "крокі па аднаўленні вяршэнства закона".

Як будуць развівацца адносіны Беларусі і заходніх краін?

Кіраўнік МЗС ФРГ Хайка Маас - Sputnik Беларусь
Хочам дапамагчы прарвацца новай Беларусі - МЗС ФРГ
Прысутныя на сустрэчы дыпламаты пацвердзілі гатоўнасць сваіх урадаў падтрымліваць і нацыянальны дыялог у Беларусі і абараняць суверэнітэт і незалежнасць рэспублікі.

"Кіраўнікі місій заклікалі ўлады краіны знаходжання устрымлівацца ад дзеянняў, якія перашкаджаюць дыпламатычнай супольнасці ў Беларусі выконваць свае стандартныя дыпламатычныя абавязкі ў атмасферы, свабоднай ад ўмяшання і запалохвання", - гаворыцца ў паведамленні прадстаўніцтва.

Акрамя таго, дыпламаты спадзяюцца, што Беларусь пагадзіцца на вяртанне ў краіну паслоў Літвы і Польшчы, а таксама іх дыпламатычнага персаналу.

Стужка навiн
0