13:16 16 чэрвеня 2021
«Радыё Sputnik»
  • USD2.49
  • EUR3.02
  • 100 RUB3.46
Палітыка
Атрымаць кароткую спасылку
7710

Апазіцыйны палітык лічыць, што праца над увядзеннем эканамічных санкцый у дачыненні да афіцыйнага Мінска ідзе "павольна і складана".

МІНСК, 14 сне - Sputnik. Экс-кандыдат у прэзідэнты Беларусі Святлана Ціханоўская заявіла, што Еўропа толькі выказвае сваю заклапочанасць у сувязі з беларускай сітуацыяй, але ў рэальнасці нічога не можа зрабіць і азіраецца на Расію.

Пасля выбараў прэзідэнта Беларусі, на якіх, па дадзеных ЦВК з 80,1% галасоў перамог Аляксандр Лукашэнка, у краіне пачаліся масавыя акцыі пратэсту. Апазіцыя лічыць, што перамагла Святлана Ціханоўская. Адразу пасля выбараў яна з'ехала з Беларусі ў адну з краін ЕС, дзе сустракаецца з еўрапейскімі палітыкамі і выступае з праграмнымі заявамі для беларускай апазіцыі.

"Калі я была звычайным чалавекам, я думала, што Еўропа такая блізкая і вялікая, а яе лідары настолькі моцныя, што яны сапраўды што-небудзь зробяць, не будуць сядзець склаўшы рукі. Зараз я разумею, што, хоць яны і выказвалі сваю занепакоенасць, сваю салідарнасць, на самай справе яны не могуць зрабіць нічога", - заявіла Ціханоўская ў інтэрв'ю часопісу New Yorker.

Яна адзначыла, што праца "над увядзеннем эканамічных санкцый" супраць Мінску працягваецца ўжо некалькі месяцаў, але працэс ідзе, па яе словах, "павольна і складана".

Азіраюцца на Расію

Адзначаючы расчараванасць у еўрапейскіх рэаліях, з якімі ёй давялося сутыкнуцца падчас сваёй кар'еры палітыка, Ціханоўская выказалася аб неабходнасці больш рашучых дзеянняў.

"Еўрапейскія лідары дзейнічаюць асцярожна, заўсёды з аглядкай на Расію. Для нас гэта балюча (...)", - сказала яна.

Палітык распавяла, што вырасла ў сям'і, у якой вучылі быць удзячнымі.

"Так што гэта можа быць маёй памылкай. Паступова я прыходжу да разумення, што я не павінна дзякаваць проста за заявы аб занепакоенасці, мы павінны патрабаваць канкрэтных дзеянняў. Я вучуся, але вельмі марудна", - сказала Ціханоўская.

"І нам таксама трэба, каб ЕС увёў эканамічныя санкцыі супраць буйных прамысловых прадпрыемстваў, такіх як "Нафтан", "Беларуськалій" і "Гродна Азот". Мы просім спыніць крэдытаваць гэтыя кампаніі, пастаўляць ім сыравіну, купляць у іх прадукцыю", - заявіла Ціханоўская. Пры гэтым яна адзначыла, што па падліках яе рабочай групы "нават калі ўсё спыніцца, у рэжыму будуць рэсурсы, каб пратрымацца яшчэ пару месяцаў".

"Лідар дэмакратычнай Беларусі", а менавіта так Ціханоўская называе сябе на Захадзе, удзельнічала ў прэзідэнцкіх выбарах у Беларусі пасля адмовы ЦВК зарэгістраваць ініцыятыўную групу яе мужа Сяргея Ціханоўскага, які пасля быў затрыманы. У дачыненні да Ціханоўскай узбуджаная крымінальная справа за арганізацыю масавых беспарадкаў. 11 жніўня Ціханоўскую з кабінета кіраўніка ЦВК Беларусі Лідзіі Ярмошынай беларускія спецслужбы вывезлі ў Літву. Потым прэзідэнт Аляксандр Лукашэнка заявіў, што пэўныя сілы хацелі зрабіць Ціханоўскую сакральнай ахвярай, і ён прыняў рашэнне аб тым, што яе трэба вывезці з краіны.

Тэги:
Святлана Ціханоўская

Галоўныя тэмы