МІНСК, 18 сне - Sputnik. Расія і Беларусь цяпер гатовыя да кампрамісаў у энергетыцы больш, чым у пачатку года, заявіў у інтэрв'ю газеце "Звязда" кіраўнік расійскай дыпмісіі Дзмітрый Мезенцаў.
Паводле яго слоў, у дарожных картах прапісаны найважнейшыя рэчы: стратэгія ўзаемадзеяння на гады наперад. Гэта ўключае ў сябе "пытанні стварэння адзінага рынку нафты, газу, адзіных падыходаў рэалізацыі прамысловай палітыкі, узаемадзеяння па дзясятках іншых кірункаў".
Рынкавыя адносіны
"Але да таго часу, пакуль гэта не стала правілам, не падтрымана менавіта двума бакамі, гэта пакідае за гаспадарчымі суб'ектам права змагацца за максімальны прыбытак", - канстатаваў Дзмітрый Мезенцаў.
Пасол Расіі звярнуў увагу, што "калі мы зараз гаворым пра самастойнасць і незалежнасці, то натуральна эканоміка, якая грунтуецца ў нашых краінах на рынкавых прынцыпах, - гэта эканоміка дагавора, які бакі абавязаны выконваць. Пакуль няма выйсця на адзіны рынак нафты і газу, натуральна, не выключана спрэчка гаспадарчых суб'ектаў".
Гатоўнасць да кампрамісу
На яго думку, падтрымка з боку Расіі насіла беспрэцэдэнтны характар у рамках міжбюджэтных адносін. Цэны на газ, у сваю чаргу, на спотавых рынках у Еўропе бывалі як ніжэйшыя за расійскія, так і вышэй.
"Справа нават не ў тым, ці ёсць спрэчка ці не. Справа ў іншым - як мы гатовыя знаходзіць кампрамісы. Мяркую, сёння мы больш гатовыя да гэтага, чым яшчэ ў пачатку года", - рэзюмаваў Дзмітрый Мезенцаў.
