18:28 04 сакавіка 2021
«Радыё Sputnik»
  • USD2.61
  • EUR3.14
  • 100 RUB3.53
Палітыка
Атрымаць кароткую спасылку
19 0 0

У сераду ў Вашынгтоне адбудзецца інаўгурацыя новаабранага прэзідэнта ЗША Джозэфа Байдэна, а пакуль дзеючы кіраўнік Белага дома Дональд Трамп падпісаў выканаўчы ўказ.

МІНСК, 19 сту – Sputnik. Дзеючы прэзідэнт ЗША Дональд Трамп адмяніў абмежаванні на ўезд у краіну для краін Шэнгенскай зоны, Вялікабрытаніі, Ірландыі і Бразіліі, якія былі ўведзеныя з-за каронавіруса. Адпаведныя ўказы павінны спыніць дзеянне з 26 студзеня.

Забарона на ўезд тычыліся ўсіх, хто пабываў у апошнія два тыдні ў гэтых краінах. Цяпер тыя, хто ўязджаюць у ЗША з вышэйпералічаных дзяржаў, павінны будуць прадастаўляць адмоўны тэст на COVID. Трамп адзначыў, што краіны, з якіх ён здымае абмежаванні, супрацоўнічалі са Штатамі ў рэалізацыі мер кантролю па каронавірусе, у тым ліку і па тэставанні падарожнікаў.

У сваю чаргу прадстаўнік выбранага прэзідэнта ЗША Джо Байдэна Джэн Псакі заявіла, што той не дасць уступіць у сілу зняццю абмежаванняў на ўезд з шэрагу краін па каронавірусе, паколькі "пандэмія пагаршаецца, а больш заразныя варыянты віруса з'яўляюцца па ўсім свеце".

"Па савету сваёй каманды па ахове здароўя адміністрацыя не мае намеру здымаць гэтыя абмежаванні з 26 студзеня. Наадварот, мы плануем зрабіць больш жорсткім меры па грамадскай ахове здароўя ў міжнародных паездках, каб скараціць распаўсюджванне COVID-19", - дадала Псакі.

Трамп сыходзіць, Байдэн прыходзіць

Інаўгурацыя Джо Байдэна пройдзе 20 студзеня, для падрыхтоўкі да яе і ў сувязі з атакай на Капітолій 6 студзеня ў сталіцы краіны Вашынгтоне прыняты беспрэцэдэнтныя меры бяспекі.

Трамп ужо адмовіўся прысутнічаць на інаўгурацыі свайго пераемніка. Замест гэтага ён наведае ваенную базу Эндрус пад Вашынгтонам, а пасля мае намер адправіцца ў Фларыду. Мяркуецца, што там ён правядзе некаторы час у асяроддзі сям'і і бліжэйшых дарадцаў, каб абдумаць свае далейшыя дзеянні.

Прэзідэнцкія выбары прайшлі ў ЗША 3 лістапада. Калегія выбаршчыкаў, якая ў ЗША прымае канчатковае рашэнне, 15 снежня абрала новым прэзідэнтам кандыдата ад дэмакратаў Джозэфа Байдэна.

Дзеючы кіраўнік Белага дома Дональд Трамп не прызнаў вынікі галасавання і заявіў, што яны былі сфальсіфікаваныя.

Чытайце таксама:

Тэги:
ЗША, Трамп прэзідэнт ЗША, Дональд Трамп

Галоўныя тэмы