18:49 13 красавіка 2021
«Радыё Sputnik»
  • USD2.64
  • EUR3.14
  • 100 RUB3.42
Палітыка
Атрымаць кароткую спасылку
Саюзная дзяржава Беларусі і Расіі (138)
24 0 0

Урады дзвюх краін распрацавалі тры дзесяткі дарожных карт, якія адказваюць за ўсе напрамкі развіцця Саюзнай дзяржавы, але іх падпісанне пакуль не ўзгоднена.

МІНСК, 30 сак – Sputnik. Усе дарожныя карты па інтэграцыі Расіі і Беларусі будуць узгоднены да канца красавіка, сказаў пасол Беларусі ў РФ Уладзімір Сямашка.

"Сёння з 30 карт, а дакладней з 28, таму што тры карты - па ўніфікацыі падатковага заканадаўства і дзве карты па мытным рэгуляванні - зліліся ў адну, 21 карта ўжо гатова да падпісання", - цытуе беларускага дыпламата "Расійская газета".

Па словах кіраўніка беларускай дыпмісіі, у цяперашні час засталося ўзгадніць сем дарожных карт. У выпадку паспяховых перамоваў у першай палове года можна падпісаць дарожныя карты, якія засталіся, і праграму іх рэалізацыі.

Адзіныя энергетычныя рынкі

Уладзімір Сямашка ў інтэрв'ю нагадаў, што да 1 студзеня 2022 года Беларусь і Расія абавязаны паспець прыняць на ўзроўні ўрадаў пагадненні, якія прапісаны ў дарожных картах.

"Іх шмат, па кожнай карце можа быць і два, і тры пагадненні. Трэба прайсці ўсе ўнутрыдзяржаўныя працэдуры, падпісаць іх і ратыфікаваць з такім разлікам, каб з 1 студзеня 2022 года запрацавалі адзіныя рынкі электраэнергіі, газу, нафты і нафтапрадуктаў, транспартных паслуг, перш за ўсё чыгуначных, запрацавала адзіная прамысловая палітыка, сельскагаспадарчая і г.д. Канец гэтай працы ўжо бачны", - запэўніў дыпламат.

У цяперашні час не ўдалося ўзгадніць дарожныя карты ў падатковай сферы, мытнай палітыцы, па цэнах на прыродны газ, палітыцы ў прамысловай вытворчасці і сельскай гаспадарцы, а таксама па стварэнні адзінага рынку нафты і нафтапрадуктаў.

Чытайце таксама:

Тэмы:
Саюзная дзяржава Беларусі і Расіі (138)
Тэги:
Расія, Саюзная дзяржава, Інтэграцыя, карты, Беларусь, пасол

Галоўныя тэмы