МІНСК, 3 лют — Sputnik. Дыскусійны клуб НЦСМ распачне сваю працу ў лютым з паказу дакументальнай стужкі тэлеканала BBC "Калі альбомы кіравалі светам" рэжысёра Стыва О'Хэгана, распавялі Sputnik арганізатары мерапрыемства.
Стужка была знята ў 2013-м годзе і распавядае пра "Залатую эру" доўгайграючых вінілавых кружэлак з сярэдзіны 1960-х і да канца 1970-х гг.
Cтужка распавядае пра феномен грамзапіса — альбомах рок-музыкі, якія назаўсёды змянілі яе аблічча.
У фільме выкарыстаны відэаінтэрв'ю з вядомымі гуртамі і выканаўцамі: The Beatles, Blondie, Bob Dylan, Michael Jackson, Mike Oldfield, The Sex Pistols, Slash, The Who і іншымі.
Паказ фільма і яго абмеркаванне пасля прагляду адбудзецца ў НЦСМ (вул. Някрасава, 3), 3 лютага, пачатак а 19-й, кошт квіткоў складае 30 тыс. рубёў.
