МІНСК, 28 сту — Sputnik. Кнігарня "Сон Гогаля" ладзіць 29 студзеня "Казкі ў фармаце 18х24" — прагляд-чытанне дыяфільмаў пад жывую музыку ў выкананні прафесійных актораў і музыкаў.
Арганізатары кажуць, што "калі знайшлі дома праектар з плёнкамі, мы проста не маглі пакласці яго назад на антрэсоль. Бо дыяфільмы — гэта цэлая эпоха: калі тэлебачанне яшчэ толькі набірала абароты, прасціна, замацаваная на дзверы і дыяпраектар выносілі дзяцей, ды і бацькоў, у зусім іншае вымярэнне".
Раней над дыяфільмамі працавалі прафесійныя мастакі, выкарыстоўваліся казкі як савецкіх, так і замежных пісьменнікаў.
Спецыяльную падборку казак агучваць будуць: Алена Гіронак, Наталля Леванава, Аляксандр Яфрэмаў і Антон Макуха.
Гітара і іншыя інструменты — Андрэй Еўдакімаў.
Прыкладная праграма:
- Безуважлівая няня. Няўдачнік (Э. Успенскі)
- Разумная жонка (грузінская народная казка)
- Котка, якая гуляла сама па сабе (Р. Кіплінг)
- Дабрыня і змей (руская народная казка)
- Церамок (руская народная казка)
- Дзе ж Вілі? (С. Рыт)
- Мумi-троль у джунглях (Т. Янсан)
- Чалавечак з барабана (Г. Петрыяшвілі)
- Снягурка (руская казка)
- Пра пана Трулялінскага (Ю. Тувім) і некаторыя другія.
Пачатак а 19 гадзіне. Уваход вольны.
