МІНСК, 31 сту — Sputnik. Гомельскі цырк прапануе гледачам наведаць "Московский цирк Никулина на Цветном бульваре", які прыехаў са сваёй знакамітай праграмай.
Паводле слоў арганізатараў, наведвальнікаў чакаюць мядзведзі на аўтамабілі ў атракцыёне "Ехалі мядзведзі" пад кіраўніцтвам заслужанай артысткі Расіі Вольгі Кудраўцавай і народнага артыста Расіі Віктара Кудраўцава, дрэсіраваныя баранчыкі, поні і сабачкі на скейтбордах.
"Унікальныя трукі акрабатаў на падкідных дошках, гарачая гульня з дубцамі Вольгі і Андрэя Спектара, а таксама сілавы жанглёр Фахрыдзін Ахназараў" будуць цікавымі для аматараў цыркавога мастацтва.
Напрыканцы праграмы настрой наведвальнікам падыме гарэзны клоўнскі дуэт "Блюз" — уладальнікі залатога медаля фестывалю "Цырк заўтрашняга дня" ў Парыжы Яўгенія і Канстанцін Усц'янцавы.
