Фiёна Гiб прачытае верш Максіма Багдановіча на літаратурнай імпрэзе

Падпісацца
Амбасадар Велікабрытаніі ў Беларусі ў рамках культурнага мерапрыемства, прысвечанага перакладам з англійскай мовы на беларускую, прачытае верш айчыннага класіка.

МІНСК, 1 лют — Sputnik. Дзяржаўны літаратурны музей Максіма Багдановіча запрашае 11 лютага ўсiх жадаючых на лiтаратурную імпрэзу "Падарожжа са словам", якая пройдзе ў межах штогадовай кнiжнай выставы.

Пасол Вялікабрытаніі Фіёна Гiбб наведала Гродна - Sputnik Беларусь
Фіёна Гіб: Беларусь становіцца больш даступнай для брытанцаў

Праграма мерапрыемства ўключае лiтаратурныя iмпрэзы, прысвечаныя перакладам з англійскай мовы на беларускую i наадварот.

Сярод запрошаных удзельнiкаў паэтка Вера Бурлак, вядомая перакладчыца Ганна Янкута, музыкi Пiт Паўлаў ды Алеся Шагун, а таксама Мiкiта Монiч i iншыя.

Як паведамілі ў музеі, госці прачытаюць пераклады вядомых твораў брытанскай i беларускай лiтаратуры ды зайграюць перакладзеныя песнi Depeche Mode i Metallica. Таксама верш Максiма Багдановiча прачытае спадарыня Фiёна Гiб — амбасадар яе Вялiкасцi ў Беларусi.

Мерапрыемства пройдзе па адрасе: вул. М. Багдановiча 7а, у суботу 11 лютага а чацвёртай гадзiне. Уваход вольны.

Стужка навiн
0