Мастацкі музей прэзентуе адрэстаўраваную карціну Яна Дамеля

© Sputnik / Виктор ТолочкоНацыянальны мастацкі музей Рэспублікі Беларусь
Нацыянальны мастацкі музей Рэспублікі Беларусь - Sputnik Беларусь
Падпісацца
Ян Дамель працаваў пераважна як майстар рэлігійнага жывапісу. "Маленне аб чашы" – адзін з лепшых твораў мастака.

МІНСК, 18 сак — Sputnik. У Нацыянальным мастацкім музеі Рэспублікі Беларусь 21 сакавіка адбудзецца прэзентацыя адрэстаўраванага твора вядомага мінскага жывапісца першай паловы XIX стагоддзя, прадстаўніка "віленскага класіцызму" Яна Дамеля "Маленне аб чашы" (1830-я).

Карціна Чорны квадрат - Sputnik Беларусь
Прыгоды чорнага квадрата Малевіча: мазня ці сімвал новага мастацтва

Паводле слоў арганізатараў, мерапрыемства пройдзе ў рамках святкавання 950-годдзя заснавання Мінска.

"Манументальнае палатно трапіла ў музей у надзвычай пашкоджаным стане і набыло другое жыццё, дзякуючы намаганням групы рэстаўратараў музея пад кіраўніцтвам А. С. Лагуновіча-Чарапко", — распавялі ў музеі.

Нагадаем, Ян Дамель працаваў пераважна як майстар рэлігійнага жывапісу, яго творам уласцівы рэалістычна-рамантычнае адлюстраванне рэчаіснасці і дакладны псіхалагізм.

Значную частку ў творчай спадчыне майстра складалі таксама работы гістарычнага жанру і шматлікія партрэты прадстаўнікоў шляхты і інтэлігенцыі.

"Маленне аб чашы" ("Хрыстос у Гефсіманскім садзе") — адзін з лепшых твораў мастака, які знаходзіўся ў крыпце касцёла на Кальварыйскіх могілках у Мінску, дзе быў пахаваны мастак.

Стужка навiн
0