У Маскве адкрыюць фестываль "Інтэрмузей-2017"

© Sputnik / Валерий Шустов / Перайсці ў медыябанкМаскоўскі Манеж
Маскоўскі Манеж - Sputnik Беларусь
Падпісацца
У гэтым годзе "Інтэрмузей" пашырыў сваю геаграфію. Праграма прадугледжвае мерапрыемствы не толькі ў "Манежы", але і на іншых пляцоўках. Лекцыі і творчыя сустрэчы пройдуць у залах бліжэйшых музеяў: Дзяржаўнага Гістарычнага музея, Музея архітэктуры імя Шчусева і Музеяў Маскоўскага Крамля.

МІНСК, 25 мая — Sputnik. Штогадовы фестываль "Інтэрмузей" аб'яднае ў прасторы ЦВЗ "Манеж" каля 350 музеяў з Расіі і 25 краін блізкага замежжа, гасцей і ўдзельнікаў мерапрыемства чакае шырокая дзелавая і культурная праграма, паведамляе РІА "Новости".

Перакладка бруку на Барыкаднай вуліцы ў Маскве, архіўнае фота - Sputnik Беларусь
У Маскве знайшлі драўляную маставую XVII-XVIII стагоддзяў

"Інтэрмузей" — штогадовы фестываль, які аб'ядноўвае на адной пляцоўцы больш за 300 музеяў з Расіі, краін блізкага і далёкага замежжа. Ён арганізаваны міністэрствам культуры РФ, праводзіцца з 1999 года. У гэтым годзе фестываль пройдзе ў сталіцы з 25 па 29 мая.

"У гэтым годзе ў фестывалі "Інтэрмузей" будзе ўдзельнічаць 348 музеяў, у яго рамках пройдуць больш за 350 мерапрыемстваў рознага роду. Удзельнікі фестывалю — музеі не толькі з Расіі, але і з 25 краін блізкага і далёкага замежжа", — расказаў першы намеснік міністра культуры РФ Уладзімір Арыстархаў на прэс-канферэнцыі, прысвечанай мерапрыемству.

Асноўнай тэмай фестывалю арганізатары абвясцілі "Музей будучага". Гэтую ідэю ўдзельнікі конкурсу павінны былі выкарыстаць у афармленні стэнда, каб паказаць, якімі яны бачаць сябе і навакольны свет у перспектыве.

У цэнтры Масквы знайшлі скарб часоў Івана Грознага - Sputnik Беларусь
У цэнтры Масквы знайшлі скарб часоў Івана Грознага

Па выніках конкурсу вызначыліся 20 фіналістаў. Па словах старшыні журы конкурсу, гендырэктара Гістарычнага музея Аляксея Лявыкіна, члены журы адабралі лепшыя праекты ў навукова-даследчай дзейнасці, у сферы музейнай адукацыі, інфармацыйных тэхналогій і праекты, накіраваныя на сацыяльнае ўзаемадзеянне.

У лік намінантаў увайшлі Дзяржаўны Эрмітаж, Дзяржаўная Траццякоўская галерэя, ДМІІ імя А. С. Пушкіна, музей-сядзіба "Ясная паляна", Дзяржаўны гістарычны музей, а таксама іншыя музеі — сталічныя і рэгіянальныя. Пераможца вызначыцца ў апошні дзень фестывалю.

У рамках "Інтэрмузея" адбудуцца шматлікія круглыя сталы, дыскусіі, брыфінгі, прысвечаныя арганізацыі музейнай працы, будучаму музеяў у сучасным свеце, а таксама майстар-класы і прэзентацыі.

У гэтым годзе фестываль пашырыў сваю геаграфію. Праграма прадугледжвае мерапрыемствы не толькі ў "Манежы", але і на іншых пляцоўках. Лекцыі і творчыя сустрэчы пройдуць у залах бліжэйшых музеяў: Дзяржаўнага Гістарычнага музея, Музея архітэктуры імя Шчусева і Музеяў Маскоўскага Крамля.

Стужка навiн
0