"Talking machine" можна будзе ўбачыць на выставе ў Гомелі

© Sputnik / Арцём Кір'янаўГасцёўню ўпрыгожваюць старыя сакваяжы і дзейны патэфон, архіўнае фота
Гасцёўню ўпрыгожваюць старыя сакваяжы і дзейны патэфон, архіўнае фота - Sputnik Беларусь
Падпісацца
Самыя раннія экспанаты датаваны 1898 і 1900 годам - гэта фанографы Томаса Эдысана.

МІНСК, 29 мая — Sputnik. У палацы Румянцавых і Паскевічаў 2 чэрвеня адбудзецца адкрыццё выставы старадаўняй гукапрайграваючай тэхнікі: фанограф, грамафонаў, патэфон канца XIX — пачатку XX стагоддзяў "Talking machine" ("Гаворачыя машыны").

Каля 30 рэканструктараў прыехалі ў Гомель аднавіць атмасферу паходнага намёту, рыштунку і побыту, характэрных для мяжы ХIV-ХV стагоддзяў. Галоўная мэта акцыі - прыцягнуць увагу да гісторыі і вучобы на гістарычным факультэце ГДУ імя Ф. Скарыны. - Sputnik Беларусь
Фота
Гомель акунуўся ў атмасферу Сярэднявечча

Як распавялі ў музеі, прыватная калекцыя Ігара Барысевіча налічвае 75 экспанатаў і амаль тысячу кружэлак. Самыя раннія экспанаты датаваны 1898 і 1900 годам — гэта фанографы Томаса Эдысана. Усе яны ў спраўным стане, акрамя таго, наведвальнікі могуць пачуць гучанне гэтых унікальных твораў тэхнічнай думкі, якія ўладальнік на працягу 10 гадоў збіраў, рамантаваў і рэстаўраваў.

Самыя вялікія экзэмпляры на выставе — гэта канцэртныя грамафоны, іх ставілі на паркет у бальных залах. Самы маленькі — партатыўны кішэнны грамафон, які залазіць у скрыначку з-пад шпрыцаў. Акрамя тэхнікі на выставе прадстаўлены і гуканосьбіты — васковыя цыліндры і грампласцінкі.

Наведвальнікі змогуць пачуць галасы легендарных Энрыка Каруза, Фёдара Шаляпіна, караля рок-н-ролу Элвіса Прэслі, забароненага некалі ў СССР.

Дзе: Гомель, палац Румянцавых-Паскевічаў.

Калі: 2 чэрвеня з 16:00.

Кошт: для дарослых — 4 рублі, для школьнікаў, навучэнцаў, студэнтаў, пенсіянераў — 2 рублі.

Стужка навiн
0