Дзень культуры Казахстана пройдзе ў Мінску 17 чэрвеня

© Sputnik / Владимир Вяткин / Перайсці ў медыябанкМузыканты фолькавага ансамбля
Музыканты фолькавага ансамбля - Sputnik Беларусь
Падпісацца
Свята названа "Стэпавыя напевы" - у яго рамках беларусаў будуць частаваць стравай баўрсак і пакажуць казахскую юрту.

МІНСК, 12 чэр — Sputnik. Дзень культуры Казахстана пройдзе ў Верхнім горадзе ў Мінску ў суботу 17 чэрвеня, паведамілі Sputnik у казахскай дыяспары.

Святы нацыянальных культур працягваюцца ў Мінску па суботах: ужо прайшлі дні шведскай і рускай культур.

Рыцарскія баі і Гжэль: у Ратушы прайшоў Дзень Расіі - Sputnik Беларусь
Відэа
Рыцарскія баі і Гжэль: у Ратушы прайшоў Дзень Расіі

Дзень культуры Казахстана адбудзецца на пляцоўцы каля мінскай ратушы 17 чэрвеня — пачнецца ён з майстар-класа па прыгатаванні казахскай стравы баўрсак. Акрамя таго, у Верхнім горадзе можна будзе пазнаёміцца з побытам казахаў — нават зазірнуць у сапраўдную юрту.

Госці Дня культуры Казахстана змогуць паглядзець 17 чэрвеня на нацыянальныя баі казахша курес, наведаць экспрэс-урокі казахскай мовы і майстар-клас па нацыянальных танцах. У канцы свята на сцэне ў Верхнім горадзе выступіць гурт CherMen.

Свята "Стэпавыя напевы" не абыдзецца і без пачастункаў — для гасцей мерапрыемства прыгатуюць плоў, манты, чабурэкі і мноства іншых любімых многімі беларусамі страў.

Працягнецца свята казахскай культуры з 13:00 да 18:00. Следам за ім у Верхнім горадзе пачнецца чарговы канцэрт з серыі "Джазавыя вечары".

Стужка навiн
0