09:47 18 кастрычніка 2019
«Радыё Sputnik»
  • USD2.04
  • EUR2.26
  • 100 RUB3.19
Фінскі Дзед Мароз - Ёўлупукі

У разгар лета ў Мінск прыедзе Ёўлупукі

© AP / LEHTIKUVA / Laura Haapamäki
Афiша
Атрымаць кароткую спасылку
2510

Фінскі Дзед Мароз, а таксама кароль танга Тэему Ройванен і іншыя артысты будуць радаваць мінскую публіку на Дні фінскай культуры, які ўпершыню пройдзе ў беларускай сталіцы.

МІНСК, 19 ліп — Sputnik. Спецыяльным госцем Дня фінскай культуры, які пройдзе ў Верхнім горадзе 29 ліпеня, стане фінскі Дзед Мароз — Ёўлупукі, паведамляе сайт Мінгарвыканкама са спасылкай на кіраўніка Аддзялення пасольства Фінляндыі ў Беларусі спадара Лаўры Пулола.

"Фестываль прымеркаваны да 100-годдзя незалежнасці Фінляндыі. На свята прыедуць спецыяльныя госці. Дзяцей парадуе фінскі Дзед Мароз — Ёўлупукі, а дарослых — папулярныя артысты, у прыватнасці спявак і танцор Тэему Ройванен, кароль танга 2014 года, выканаўцы фінскага танга Хана Аянаха і Віле Іман, ілюзіяніст Ёні Паканен", — распавёў спадар Лаўры Пулола.

З беларускага боку ў свяце прымуць удзел Георгій Калдун, група Litesound, сімфанічны аркестр "Алімпія Класіка" і іншыя артысты.

Гасцям таксама прапануюць паспрабаваць свае сілы ў папулярных у Фінляндыі гульнях — фінскіх гарадках і флорболе. Будзе працаваць аўтаномны скаладром. Для дзяцей рыхтуюць спецыяльныя гульнявыя зоны.

Акрамя таго, жадаючыя змогуць наведаць урок фінскай мовы або стаць удзельнікамі майстар-класаў, навучыцца танцаваць фінскае танга і печ нацыянальныя кандытарскія вырабы.

Паспрабаваць нацыянальную кухню можна будзе і на свяце, і па-за ім. Па словах прадстаўніка пасольства, з 24 па 30 ліпеня ў Мінску пройдзе Тыдзень фінскай кухні.

Спадар Пулола таксама дадаў, што мерапрыемствы, прымеркаваныя да 100-гадовага юбілею незалежнасці Фінляндыі, праходзяць у цяперашні час больш чым у 100 краінах.

У Беларусі Дзень фінскай культуры праводзіцца ўпершыню. Свята стала магчымым дзякуючы намаганням Аддзялення Пасольства Фінляндыі ў Беларусі і Мінгарвыканкама.

Тэги:
свята, Дзень фінскай культуры, Мінгарвыканкам, Фінляндыя, Мінск, Беларусь

Галоўныя тэмы