05:09 24 кастрычніка 2017
«Радыё Sputnik»
Дажынкі, архіўнае фота

Турыстаў запрашаюць на майстар-клас па вырабу снапа

© Sputnik/ Сергей Лескеть
Афiша
Атрымаць кароткую спасылку
1110

У музеі пад адкрытым небам на абрадзе "Жыцень" можна будзе пачуць традыцыйныя жніўныя і летнія песні, традыцыйныя найгрышы на музычных інструментах.

МІНСК, 7 жні — Sputnik. Беларускі дзяржаўны музей народнай архітэктуры і побыту ладзіць 12 жніўня абрадавае мерапрыемства "Жыцень".

"Хлеб — святыня нашага народа, таму жніво лічылася вельмі адказным перыядам у жыцці беларускага селяніна. Пачатак і заканчэнне ўборкі зернавых урачыста адзначаліся не толькі сельскай грамадой, але і ў кожнай сям'і. Шматлікія абрады, звязаныя з уборкай ураджаю, паказваюць сялянскую павагу, нават святасць, з якой земляроб адносіўся да хлеба", — патлумачылі ў музеі.

Свята пазнаёміць наведвальнікаў з традыцыімі, якія звязаныя з уборкай ураджаю. У музеі пад адкрытым небам можна будзе пачуць традыцыйныя жніўныя і летнія песні, традыцыйныя найгрышы на музычных інструментах.

У праграме мерапрыемства:

  • Майстар-клас па вырабу снапа "Гаспадара"
  • Майстар-клас па ўборке ўраджаю сярпом
  • Фотазона
  • Лакальны абрад "Выгнанне мух"
  • Частаванне традыцыйным караваем і гарбатай.

Кошт квіткоў:

  • для дарослых — 8.00 руб.;
  • для дзяцей школьнага ўзросту — 4.00 руб.;
  • для дзяцей дашкольнага ўзросту — бясплатна.

Свята распачнецца 12 жніўня а 14-ай гадзіне ў Мінскім раёне ў вёсцы Азярцо ў Беларускім дзяржаўным музеі народнай архітэктуры і побыту.

По теме

Відэафакт: як пад Мінскам гукалі вясну
Тэги:
этнография, народные традиции, "Жыцень", Беларусь
Правілы карыстанняКаментары

Галоўныя тэмы