Рэканструкцыю рыцарскага турніру пакажуць на фэсце у Рэмелі

© Photo : Александр Калачев"Наш Грунвальд-2017", архіўнае фота
Наш Грунвальд-2017, архіўнае фота - Sputnik Беларусь
Падпісацца
Трэці фестываль "Палеская ніва-2017" прэзентуе рэканструкцыю сярэдневечнага рыцарскага коннага турніру.

МІНСК, 15 жні — Sputnik. У мястэчку Рэмель Столінскага раёна 20 жніўня адбудзецца трэці фестываль коней "Палеская ніва-2017", паведаміла Sputnik арганізатар мерапрыемства Марына Ярмоліч.

Конны рыцарскі турнір і Бітва Двароў прайшлі ў Дудутках - Sputnik Беларусь
Відэа
Конны рыцарскі турнір і "Бітва Двароў" прайшлі ў Дудутках

Адным з самых цікавых элементаў фестываля стане рэканструкцыя сярэдневечнага рыцарскага коннага турніра. Мінскі конны клуб "Залатая шпора" пакажа баі на мячах, а таксама дзідах.

Відовішчным элементам праграмы будуць раённыя спаборніцтвы конных запрэжак. На ўдзел у іх ужо запісаліся адзінаццаць экіпажаў. Наезнікам неабходна будзе пераадолець паласу перашкод. Яе трэба праехаць як мага хутчэй, спрытна манеўруючы паміж перашкодамі.

На фестывалі ў Рэмелі будуць прэзентаваныя скакуны племяннога конезавода "Палеская ніва" — беларуская запражная, палескай папуляцыі, гановерскія і тракененскія коні, валійскія поні.

"Фэст на Століншчыне стаў мясцовай знакамітасцю. У мінулым годзе яго наведалі амаль 5 тысяч чалавек. Зараз плануецца, што іх будзе болей і госці прыедуць нават з Расіі", — распавяла Марына Ярмоліч.

Стужка навiн
0