03:31 17 снежня 2017
«Радыё Sputnik»
Дырыжор і музыка Юрый Башмет

Афіша на выхадныя: куды пайсці ў Мінску 7 і 8 кастрычніка

© Sputnik/ Владимир Вяткин
Афiша
Атрымаць кароткую спасылку
1210

Канцэрт Стынга або закрыццё фестывалю Башмета, дзе будзе гучаць скрыпка Страдывары, цікавая пастаноўка ў межах ТэАрт і касцюмаваны фестываль усходнеазіяцкай культуры – Sputnik сабраў найбольш цікавыя прапановы выхадных.

Цяпла і сонца сіноптыкі ў гэтыя выхадныя не абяцаюць, таму атрымаць асалоду ад самага прыемнага восеньскага атракцыёна — пашамацець лісцем у парку — па крайняй меры ў суботу будзе праблематычна.

Значыць, трэба шукаць варыянты, як кампенсаваць шэрасць будняў, дзе шукаць яркія эмоцыі. Варыянт першы — у кіно.

Беглы па лязе 2049

На гэтым тыдні выйшла ў пракат фантастычная стужка "Беглы па лязе 2049". Гэта сіквел папулярнага сярод аматараў навуковай фантастыкі аднайменнага фільма Рыдлі Скота, знятага ў пачатку 1980-х. У аснову і першай, і другой стужкі лягла проза амерыканскага фантаста Філіпа Дзіка.

Зрэшты, як сцвярджаюць першыя гледачы, каб паглядзець фільм, ведаць першакрыніцу і перадгісторыю з мінулага стагоддзя неабавязкова. Першыя водгукі: схадзіць на фільм варта, хаця б дзеля таго, каб ацаніць новы погляд на навуковую фантастыку.

Стынг у "Мінск-Арэне"

У нядзелю ў Мінску будзе спяваць Стынг. Адзін з самых знакамітых брытанскіх рок-музыкаў пакажа на "Мінск-Арэне" праграму "57th & 9th". Так называецца яго апошні альбом, які, калі верыць крытыкам, прыхільнікі вельмі чакалі: Стынг вярнуўся да старога добрага року.

На канцэрце будуць гучаць не толькі кампазіцыі з новага альбома, але і старыя хіты.

Кошт квіткоў — ад 90 рублёў. 

Концерт Стинга в Москве
© Sputnik/ Руслан Кривобок
Канцэрт Стынга ў Маскве

"Легенда на скрыпцы Страдывары"

Не менш эмацыянальная музычная падзея чакаецца ў нядзелю ў Белдзяржфілармоніі. Тут у межах закрыцця Міжнароднага фестывалю Башмета сыграе "легенда на скрыпцы Страдывары".

Імя легенды арганізатары не раскрываюць, інтрыгуюць, але кажуць, што гэта будзе выбітны скрыпач, ігру якога ў Мінску ніколі не чулі.

Разам з ім у гэты вечар на сцэну выйдзе Міжнародны камерны аркестр "East-West Chamber Orchestra" пад кіраўніцтвам Расціслава Крымера.

Кошт квіткоў — ад 60 рублёў. 

"Макс Блэк, або 62 спосабы падперці галаву рукой"

У Мінску працягваецца ТэАрт, міжнародны форум тэатральнага мастацтва, дзякуючы якому ёсць магчымасць убачыць сур'ёзныя і цікавыя замежныя пастаноўкі. У нядзелю у ДК МАЗ пакажуць расійскую пастаноўку "Макс Блэк, або 62 спосабы падперці галаву рукой".

Гэта гісторыя, створаная на аснове запісных кніжак навукоўцаў Поля Валеры, Георга Крыстафа Ліхтэнберга, Людвіга Вітгенштэйна і Макса Блэка. Нямецкі рэжысёр Хайнер Гебельс паспрабаваў вывесці на сцэну думку. Каб дамагчыся жаданага эфекту, рэжысёр вырашыў зрабіць паўнавартаснымі партнёрамі артыста на сцэне… гук, святло і піратэхнічныя эфекты. Адзінае, аб чым папярэджваюць арганізатары: гледачам варта ўлічыць, што пах серы, якая выкарыстоўваецца ў спектаклі, можа выклікаць алергічную рэакцыю. Галоўную ролю ў пастаноўцы выконвае заслужаны артыст Расіі Аляксандр Панцялееў

Фестываль усходнеазіяцкай культуры

Яркае відовішча абяцаюць у суботу арганізатары фестывалю сучаснай маладзёжнай усходнеазіяцкай культуры "Хіган 2017". Гэта касцюмаванае свята прыхільнікаў анімацыі, коміксаў, кампьютарных гульняў, вулічнай моды і музыкі ў першую чаргу Усходняй Азіі (Японіі, Карэі, Кітая і Тайваня).

Тыя, хто прыйдуць на гэтае свята ў якасці гледачоў, змогуць убачыць розныя дэфіле, сцэнічныя пастаноўкі, танцавальныя каверы і многае-многае іншае. Прадугледжана і гульнявая зона з настольнымі гульнямі і кансолямі.

Кошт квітка — ад 22 рублёў.

Дабрачынная акцыя "Дарога дадому"

У суботу ў гарадскім парку "Ціволі" валанцёры з грамадскага аб'яднання "Эгіда" будуць шукаць гаспадароў для 60 катоў і сабак. Усе гадаванцы здаровыя, прышчэпленыя, стэрылізаваныя і вельмі любяць мець зносіны з людзьмі, падкрэсліваюць арганізатары мерапрыемства — дабрачыннай акцыі "Дарога дадому".

Калі ў кагосьці ёсць жаданне абзавесціся чацвераногім сябрам, прадастаўляецца выдатная магчымасць. Выстава будзе доўжыцца з 13:00 да 18:00. 

Как можно такое существо обидеть?
© Sputnik / Елена Васильева
Сабака ў прытулку
 

У яе рамках акцыі будзе таксама працаваць Палатка дапамогі, куды любы жадаючы зможа прынесці корм, медыкаменты і цацкі для тых жывёл з прытулкаў, якія яшчэ не могуць знайсці гаспадароў.   

Тэги:
Афіша на выхадныя, Беларусь
Правілы карыстанняКаментары

Галоўныя тэмы