Рарытэтны кухонны посуд прадставілі на выставе ў Мінску

© Sputnik / Сергей ЛескетьБраслаўскі майстар аднаўляе традыцыі вырабу драўляных лыжак
Браслаўскі майстар аднаўляе традыцыі вырабу драўляных лыжак - Sputnik Беларусь
Падпісацца
Экспазіцыя ўключае больш за 100 прадметаў, якія служылі чалавеку для палягчэння яго бытавых умоў у старадаўнія часы.

МІНСК, 26 кас — Sputnik. Рарытэтны хатні посуд прадстаўлены на выставе ў Гасцёўні Уладзіслава Галубка. Выстава наглядна адлюстроўвае эвалюцыю чалавечай думкі і тэхнічнага прагрэсу ў знаёмых рэчах. Тут можна ўбачыць прадметы хатняга побыту XVI-ХХ стагоддзяў, сабраныя з усяго свету.

Наведвальнікі выставы трапяць у царства хатняга кухоннага посуду, бытавой тэхнікі, абсталявання: незвычайных сокавыціскалак, механічных машынак для нарэзкі, цёрак — усяго таго, што некалі радавала сваёй навізной гаспадынь, а цяпер стала рарытэтам.

Старыя рэчы здзіўляюць прастатой у карыстанні, але выгадай і эфектыўнасцю. Напрыклад, механізм для ачысткі садавіны і бульбы або прыстасаванне для працірання ягад. А для таго каб раскалоць арэхі (як правіла, грэцкія і лясныя), былі спецыяльныя інструменты, большасць у выглядзе шчыпцоў або прэса.

Сярод кухонных прыладаў ёсць таксама ўнікальныя мясасечкі, прылады для перамолвання цукру і вырабу сасісак, чайнікі, першыя кухонныя камбайны і многае іншае.

Размешчаны экспанаты такім чынам, што наведвальнік можа лёгка прасачыць тэхнічны прагрэс і тэндэнцыі змены бытавой тэхнікі. Асаблівасць выставы ў тым, што шмат экспанатаў можна памацаць рукамі.

Выстава "Старая, старая кухня" будзе працаваць з 26 кастрычніка па 7 студзеня 2018 года.

Стужка навiн
0