Афіша на выхадныя: куды схадзіць 5-7 лістапада

© Photo : предоставлено организаторамиБалет "Вялікі Гэтсбі"
Балет Вялікі Гэтсбі - Sputnik Беларусь
Падпісацца
"Тор" у кіно, балет "Вялікі Гэтсбі", "Нейра Дзюбель" у Re:Public ці Валерый Меладзэ ў "Мінск-Арэне", а таксама яшчэ некалькі іншых варыянтаў, як нясумна правесці доўгія выхадныя, — у аглядзе Sputnik.

Вялікая дэманстрацыя з нагоды Кастрычніцкай рэвалюцыі не прадбачыцца, але гэта не падстава сядзець дома. З улікам адносна добрага надвор'я — цёплага і без дажджоў — можна проста пагуляць, а можна арганізаваць выхад з сэнсам.

Тым больш што ў гэтыя дні будзе куды схадзіць.

"Тор: Рагнарок"

У панядзелак у пракат выходзіць новая частка супергеройского баевіка студыі Marvel "Тор: Рагнарок".

На гэты раз Тор будзе ратаваць ад набліжэння канца свету. Рагнарок — у версіі аўтараў — гэта нейкая страшная падзея, якая пагражае поўным знішчэннем свету. Стужку ўжо высока ацанілі заходнія гледачы і крытыкі.

Балет "Вялікі Гэтсбі"

Адзін з самых амбіцыйных блокбастараў у гісторыі танца — так рэкламуюць балет "Вялікі Гэтсбі", які ў нядзелю прадставіць мінскай публіцы зорная трупа. На сцэну Палаца Рэспублікі выйдуць салісты, якія танчаць на галоўных сусветных сцэнах італьянскай Teatro alla Scala, французскай Grand Opera і Марыінскага тэатра. Выканаўца адной з галоўных роляў Кліфард Уільямс — сапраўдная "рок-зорка" балетнага свету, а Артур Гаспар танцаваў разам з Мадонай у кліпе Girl gone wild.

Пачатак імпрэзы ў 19:00, кошт квіткоў — ад 45 рублёў.

Аўтограф-сесія і канцэрт "Нейра Дзюбель"

Панкі з "Нейра Дзюбель" на чале з Аляксандрам Кулінковічам запрашаюць прыхільнікаў на вялікі канцэрт з нагоды выхаду новага альбома — "Першы". У альбоме 14 кампазіцый, частка песень — на беларускай мове.

Мяркуецца, што будзе два аддзяленні: у першым музыкі зайграюць новыя песні, у другім — парадуюць старымі і любімымі хітамі. Застаецца дадаць, што шоу з нагоды выхаду новага альбома пачнецца ў панядзелак у 19:00 у клубе Re:Public.

© Photo : Rock ProfiNeuro Dubel
Neuro Dubel - Sputnik Беларусь
Neuro Dubel

А напярэдадні днём — у нядзелю ў 16:00 — "дзюбеля" чакаюць прыхільнікаў на аўтограф-сесію ў краме "Музыка". Тут жа будзе разыграны тамбурын з аўтографамі групы. Для гэтага ўжо цяпер трэба зрабіць фота, якое праілюстравала б ваша разуменне любой песні з рэпертуару "Нейра Дзюбель". Прычым прэтэндэнт на перамогу павінен быць у кадры — затым гэта фота трэба выкласці ў сацыяльных сетках, а ў каментары да фатаграфіі напісаць пра ўдзел у конкурсе і назву песні, якую прэзентуе фота, і паставіць хэштэг #neuromuz.

Валерый Меладзэ ў "Мінск-Арэне"

Сваіх прыхільніц у панядзелак збірае на "Мінск-Арэне" Валерый Меладзэ. Ён на сцэне ўжо чвэрць стагоддзя, і здаваць пазіцыі не плануе. У Мінск вязе палутарагадзінную праграму з новых і старых, усімі любімых песень.

© Sputnik / Григорий Сысоев / Перайсці ў медыябанкСпявак Валерый Меладзэ
Певец Валерий Меладзе - Sputnik Беларусь
Спявак Валерый Меладзэ

Пачатак канцэрта ў 20:00, кошт квіткоў ад 83 рублёў.

Ілюзіяністы №1 з Расіі

У панядзелак на сцэне Палаца Рэспублікі будуць выступаць браты Сафронавы. Як абвяшчае афіша, Сафронавы — уладальнікі прызоў разнастайных міжнародных фестываляў, члены Міжнароднага клуба чараўнікоў ў Нью-Ёрку і ўладальнікі звання "Ілюзіяністы №1 у Расіі" па версіі часопіса Forbes. У 12:00 яны пакажуць прадстаўленне для дзяцей, вечарам — у 19:00 — для дарослых. Абяцаюць вельмі складаныя і цікавыя трукі.

© Sputnik / Антон Денисов / Перайсці ў медыябанк"Ілюзіённае шоу братоў Сафронавых"
Иллюзионное шоу братьев Сафроновых в Государственном театре киноактера - Sputnik Беларусь
"Ілюзіённае шоу братоў Сафронавых"

Кошт квіткоў: ад 36 рублёў.

Арт-праект "Белым па чорнаму"

З нагоды 100-годдзя Кастрычніцкай рэвалюцыі Свята-Елісавецінскі манастыр сабраў праект "Белым па чорнаму", у рамках якога прапануе зірнуць на мінулую эпоху скрозь прызму мастацтва.

Што абяцаюць? Тэатральныя пастаноўкі, балет, экскурсіі, выставы. Некаторыя мерапрыемствы ў рамках двухдзённага праекта 6-7 лістапада будуць бясплатнымі, на нейкія трэба будзе купіць квіткі.

На галоўнай пляцоўцы ў арт-прасторы "Верх" мерапрыемствы, змяняючы адзін аднаго, будуць доўжыцца з 12 да 23 гадзін. Варта адзначыць, што ў праекце прымуць удзел выхаванцы дзіцячага і дарослага псіханеўралагічных інтэрнатаў — у якасці гасцей і аўтараў мастацкай выставы.

Стужка навiн
0