Гісторыю сучаснага айчыннага мастацтва пакажуць на беларускім ТБ

© Sputnik / Виктор ТолочкоНа адкрыцці выставы, архіўнае фота
На адкрыцці выставы, архіўнае фота - Sputnik Беларусь
Падпісацца
Тэлевізійны цыкл складаецца з дзесяці фільмаў аб сучасных беларускіх мастаках і іх творчасці.

МІНСК, 18 сту — Sputnik.  Праект "Сучаснае мастацтва Беларусі" пра выдатных айчынных мастакоў ХХІ стагоддзя прадставяць у Нацыянальным мастацкім музеі Беларусі, паведамілі Sputnik у Белтэлерадыёкампаніі.

Мастацкі кіраўнік Нацыянальнай кінастудыі Беларусьфільм, Заслужаны дзеяч мастацтваў Вячаслаў Нікіфараў - Sputnik Беларусь
Нікіфараў: мы можам быць цікавымі свету, калі пакажам сваё жыццё

"Сучаснае мастацтва Беларусі" — гэта 10 фільмаў рэжысёра Алега Лукашэвіча.  Аўтар працаваў над імі з жніўня 2016 года. Ён прадстаўляе гледачам 10 творчых партрэтаў нашых сучаснікаў, сярод якіх лаўрэат дзяржаўнай прэміі Беларусі Валерый Шкаруба, лаўрэаты спецыяльнай прэміі Прэзідэнта дзеячам культуры і мастацтва Канстанцін Касцючэнка і Ігар Бархаткоў, а таксама народны мастак Беларусі Леанід Шчамялёў, які ў лютым гэтага года адзначыць сваё 95-годдзе.

Таксама ў рамках праекта тэлеаўдыторыя пазнаёміцца з унікальным стылем віцебскага мастака Алега Крошкіна, мастачкі з Гродна Валянціны Шобы, мастака з Мінска Сяргея Рымашэўскага.

Прэм'ера аўтарскага тэлевізійнага цыкла Алега Лукашэвіча адбудзецца 24 студзеня ў эфіры тэлеканала "Беларусь 3" у 19.30.

Стужка навiн
0