12:08 19 жніўня 2019
«Радыё Sputnik»
  • USD2.05
  • EUR2.27
  • 100 RUB3.10
Ганна Нятрэбка

Ганна Нятрэбка і Юсіф Эйвазаў выступяць у Мінску

© Sputnik / Кирилл Каллиников
Афiша
Атрымаць кароткую спасылку
2220

Оперныя выканаўцы будуць спяваць у суправаджэнні Дзяржаўнага акадэмічнага сімфанічнага аркестра Рэспублікі Беларусь.

МІНСК, 6 лют — Sputnik. У рамках V юбілейнага фестывалю "Уладзімір Співакоў запрашае…", які пройдзе ў Беларусі з 10 па 15 лютага, выступяць знакамітыя оперныя выканаўцы Ганна Нятрэбка і Юсіф Эйвазаў, а таксама адбудзецца прэм'ера пастаноўкі Le Corps Нацыянальнага балета Марсэлю.

Фестываль "Уладзімір Співакоў запрашае…", які збірае на сцэне зорак сусветнага мастацтва, пройдзе ўжо ў пяты раз. Упершыню ў рамках фестывалю на яго адкрыцці ў мінскім Палацы Рэспублікі выступяць оперныя выканаўцы Ганна Нятрэбка (сапрана) і Юсіф Эйвазаў (тэнар) у суправаджэнні Дзяржаўнага акадэмічнага сімфанічнага аркестра Рэспублікі Беларусь пад кіраўніцтвам маэстра Уладзіміра Співакова. Артысты выканаюць арыі са знакамітых опер "Мефістофель" А. Бойта, "Тоска" Дж. Пучыні і іншых.

Ганна Нятрэбка — выканаўца галоўных партый у вядучых сусветных оперных тэатрах. Яе ўнікальны тэмбр, акцёрскае майстэрства і асабістае абаянне не пакідаюць абыякавай публіку па ўсім свеце. Юсіф Эйвазаў — узыходзячая зорка сусветнай опернай сцэны. Ён пачаў кар'еру ў 2005 годзе, выступаючы ў невялікіх тэатрах, і дасягнуў міжнароднай славы ў 2010 годзе, калі дэбютаваў у Вялікім тэатры ў ролі Каварадосі.

Дзе: Палац Рэспублікі.

Калі: 10 лютага, 19:00.

Квіткі можна набыць у касах рэспублікі ці замовіць у інтэрнэце. V юбілейны фестываль "Уладзімір Співакоў запрашае…" будзе доўжыцца з 10 па 15 лютага.

Тэги:
V юбілейны фестываль "Уладзімір Співакоў запрашае...", Палац Рэспублікі, Уладзімір Співакоў, Юсіф Эйвазаў, Ганна Нятрэбка, Мінск, Беларусь

Галоўныя тэмы