Конкурс рыбаловаў, канцэрт і вогненае шоу: як Зэльва будзе святкаваць 760-годдзе

© Sputnik / Анастасия ВолчокВогненае шоу, архіўнае фота
Вогненае шоу, архіўнае фота - Sputnik Беларусь
Падпісацца
Якія яшчэ актыўнасці чакаюць гасцей двухдзённага свята, чытайце ў афішы Sputnik.

Гарадскі пасёлак Зэльва, дакладней, населены пункт, які быў калісьці на яго месцы, упершыню згадваецца ў Іпацьеўскім летапісе ў 1258 годзе – менавіта ад гэтай даты мясцовыя жыхары адлічваюць сваю гісторы. Круглую дату ў Зэльве будуць святкаваць два дні: 23 і 24 жніўня.

Так, той, хто жадае бліжэй пазнаёміцца з гісторыяй гарадскога пасёлка, можа ў чацвер наведаць навуковую канферэнцыю "Гістарычная спадчына Зэльвы – погляд з сучаснасці", якая адбудзецца ў Зэльвенскай раённай бібліятэцы і працягнецца з 12:00 да 16:00.

Асноўныя мерапрыемствы жыхароў і гасцей гарадскога пасёлка чакаюць у пятніцу.

Святочная рыбалка

З 08:00 па 15:00 на Зэльвенскім вадасховішчы чакаюць жадаючых паспаборнічаць у лоўлі рыбы. Акрамя адкрытага раённага спаборніцтва "Рыбаловы" там пройдзе першынство Гродзенскай вобласці па лоўлі рыбы летняй вудой.

© Sputnik / Анна СоколоваВуда і ўлоў, архіўнае фота
Удочка и улов, архивное фото - Sputnik Беларусь
Вуда і ўлоў, архіўнае фота

Выставы і пленэр

З 12:00 у цэнтральным скверы на рамеснай пляцоўцы адкрыецца фотагалерэя знакамітых землякоў Зэльвеншчыны "Алея землякоў", якая будзе працаваць да сямі вечара. А з часу да шасці можна будзе набыць нешта на памяць пра свята на выставе-продажы народных майстроў, паўдзельнічаць у майстар-класах і наведаць выставу-конкурс работ дэкаратыўна-прыкладнога мастацтва сярод арганізацый і ўстаноў пасёлка "Творчая фантазія".

© Sputnik / Альфрэд МікусСувеніры, архіўнае фота
Слуцкія паясы -2017 - Sputnik Беларусь
Сувеніры, архіўнае фота

З 13:00 да 17:00 там жа пройдзе раённы пленэр-конкурс "Эцюды Зэльвеншчыны".

Свята спорту

У Зэльве таксама адбудзецца сапраўднае свята для аматараў футбола. На стадыёне "Колас" з 15:00 да 17:00 можна будзе пазаўзець за нашых, якія будуць змагацца з камандай з Польшчы.

Тэатралізаваны выступ, канцэрт і фаершоу

Асноўныя мерапрыемствы свята разгорнуцца на цэнтральнай пляцоўцы – галоўнай плошчы гарадскога пасёлка. З 12 па 17 гадзін там можна будзе паўдзельнічаць у буккросінгу і наведаць кніжныя выставы. На працягу гадзіны з часу да двух паэтаў і спевакоў запрашаюць паўдзельнічаць у конкурсе на лепшы верш і песню пра Зэльву, а з 14:00 – 15:30 – усіх жадаючых паслухаць вершы вядомых паэтаў-землякоў.

Рэканструктары ўзнавілі старажытныя часы - Sputnik Беларусь
Фота
Розныя эпохі і мноства забаў: як Брэст адзначыў 999-годдзе

Тэатралізаванае адкрыццё свята, прысвечанага 760-годдзю Зэльвы, адбудзецца ў 19:00, пасля чаго пройдзе цырымонія ўзнагароджвання перадавікоў працы. А восьмай гадзіне пачнецца канцэрт з удзелам аматарскіх калектываў Зэльвы і Гродзенскай вобласці, а ў 20:40 на сцэну выйдуць група ByCity і барабаншчыкі з Мінска.

У 22:00 адбудзецца вогненае шоу, і свята завяршыццца дыскатэкай з удзелам кавер-групы "Огонек Бэнд".

Стужка навiн
0