17:55 16 снежня 2017
«Радыё Sputnik»
Уладзімір Варанкоў і мядзведзьТопа в студыі радыё Sputnik
© Sputnik/ Валентин Филимонов

Варанкоў: параўноўваю сябе з Іллём Мурамцам, бо 30 год сядзеў пад сталом

Радыё
Атрымаць кароткую спасылку
4220

Прызнанне мядзведзя Топы лепшым вядучым на конкурсе "Тэлевяршыня" — гэта не столькі прыз глядацкіх сімпатый, колькі прыз падзякі за ўсе 35 гадоў, што "Калыханка" існуе ў эфіры, заявіў акцёр Уладзімір Варанкоў у эфіры праграмы "Прыкметы жыцця" на радыё Sputnik.

Цырымонія ўзнагароджання пераможцаў ХII Нацыянальнага тэлевізійнага конкурсу "Тэлевяршыня" адбылася 20 мая. Пераможцаў у 25 намінацыях вызначыла прафесійнае журы. Мядзведзь Топа стаў уладальнікам статуэткі ў намінацыі "Прыз глядацкіх сімпатый" — за яго прагаласавалі 38% гледачоў.

 

 

"Я параўноўваю сябе з Іллём Мурамцам. Сядзеў 30 гадоў пад сталом, нікога не чапаў. Сказалі — ідзі! І калі ты стаіш на сцэне, і ўстае ўся зала, ты разумееш, што становішся нацыянальным героем", — усміхаецца Уладзімір Варанкоў.

Паводле яго слоў, Белтэлерадыёкампанія, прапануючы на конкурс плюшавую цацку, не чакала такога поспеху.

Дзіцячая вячэрняя тэлеперадача "Калыханка" ўпершыню выйшла ў эфір Беларускага тэлебачання ў студзені 1981 года. Уладзімір Варанкоў і мядзведзь Топа лічацца старажыламі праграмы — акцёр працуе ў перадачы ўжо 25 гадоў, а яго персанажу сёлета споўнілася 30 гадоў.

Правілы карыстанняКаментары

Галоўныя тэмы