00:50 22 верасня 2019
«Радыё Sputnik»
  • USD2.04
  • EUR2.26
  • 100 RUB3.20
Уладзімір Пракапцоў, генеральны дырэктар Нацыянальнага мастацкага музея
© Sputnik / Виктор Толочко

Пракапцоў: беларускія абразы везлі ў Ватыкан пад паліцэйскім канвоем

Радыё
Атрымаць кароткую спасылку
54 0 0

Гендырэктар Нацыянальнага мастацкага музея адразу па вяртанні з Ватыкана, дзе адкрылася выстава беларускіх абразоў, прыйшоў у госці на радыё Sputnik і расказаў, чаму гэтая выстава ўнікальная.

Выстава беларускіх абразоў адкрылася ў музеі Ватыкана 18 мая.

Упершыню 33 унікальныя работы (самыя старажытныя датаваныя 17 стагоддзем) дэманструюцца ў непасрэднай блізкасці ад знакамітай Сікстынскай капэлы. На рэалізацыю ідэі сышло 9 гадоў, распавёў радыё Sputnik генеральны дырэктар Нацыянальнага мастацкага музея Уладзімір Пракапцоў.

Паводле яго слоў, "прабіцца" у музей Ватыкана вельмі складана. Зала, у якой экспануюцца выставы іншых краін, зачыненыя — там складзеныя падарункі Папы Рымскага. Але для нас зрабілі выключэнне — упершыню кіраўніцтва музея пайшло на тое, каб зняць у адной з заляў пастаянную экспазіцыю і размясціць там беларускія абразы.

"Абразы размясцілі ў шкляных вітрынах. Некаторыя праз свае вялікія памеры проста не маглі ў іх увайсці; з-за гэтага прыйшлося двойчы перафарматаваць экспазіцыю", — паведаміў Пракапцоў.

Абразы спакавалі ў спецыяльную паперу, паклалі ў скрыні і апламбавалі. Везлі іх спецмашынай з клімат-кантролем, у якой падтрымлівалася пастаянная тэмпература ў 18 градусаў. Дарога ад Мінска да Ватыкана заняла тры дні, увесь гэты час машыну суправаджала паліцыя.

Тэги:
культура і мастацтва, Нацыянальны мастацкі музей Рэспублікі Беларусь, Уладзімір Пракапцоў, Беларусь

Галоўныя тэмы