06:18 18 снежня 2017
«Радыё Sputnik»
Лідэр Троіцы Іван Кірчук
© Sputnik/ Роман Шантар

Кірчук: беларусы яшчэ не гатовыя да ўспрымання музыкі іншых этнасаў

Радыё
Атрымаць кароткую спасылку
10411

Лідэр гурта "Троіца" распавёў, чаму сусветныя этнічныя калектывы не едуць у Беларусь з канцэртамі і чаму ў беларускім фальклоры няма мацерных слоў.

Цікавыя этнічныя калектывы з іншых краін не едуць у Беларусь, таму што беларусы ў сілу сваёй закрытасці не гатовыя да ўспрымання музыкі іншых этнасаў і да буйных этнофестиваляў, сказаў радыё Sputnik Беларусь лідар гурта "Троіца" Іван Кірчук.

Этна-трыа "Троіца" стала першым беларускім калектывам, які прыняў удзел у фестывалі WOMAD у Вялікабрытаніі. Выступ беларусаў рэкамендавала наведаць вядомая брытанская газета The Telegraph — у сваім фестывальным анонсе яна назвала "Троіцу" "выдатнай групай, якая грае на 50 інструментах".

"У маёй калекцыі прыкладна паўтары тысячы CD-дыскаў і пяцьсот DVD. У той жа час калекцыі многіх маіх знаёмых музыкаў не перавышаюць 5-10 кампакт-дыскаў, і яны варацца ва ўласным соку. Мне здаецца, што, спазнаючы этнас іншых народаў, ты пачынаеш больш шанаваць сваё — гэтаму я вучу і студэнтаў, і слухачоў. Таму што мы вельмі закрытыя", — тлумачыць лідэр гурта "Троіца".

З яго слоў, у бліжэйшы час у Беларусі наўрад ці з'явіцца свой уласны буйны этнафестываль. "Фестываль WOMAD у Англіі збірае 36 тысяч гледачоў, а на наш фолк-фестываль "Камяніца" ў гэтым годзе прыйшлі 5-7 тысяч. Мы яшчэ не гатовыя да ўспрымання іншай музыкі і да буйных фестываляў. Народ павінен змяніцца, стаўленне павінна змяніцца", — лічыць Кірчук.

Найбуйнейшы музычны этнафестываль WOMAD быў заснаваны ў 1980 годзе Пітэрам Гэбрыэлам. У 2001 годзе мерапрыемства ўнеслі ў Кнігу рэкордаў Гінеса як самы буйны музычны фэст у свеце — яго рэгіянальныя версіі праходзяць на некалькіх кантынентах. Поўную версію інтэрв'ю з Іванам Кірчуком слухайце ў аўдыёзапісе.

Тэги:
Музычныя жанры, Іван Кірчук, Беларусь
Правілы карыстанняКаментары

Галоўныя тэмы