22:26 19 лістапада 2017
«Радыё Sputnik»
Удзельніцы конкурсу Ты супер! Дар'я Чарнова і Анастасія Краўчэня і вядучы радыё Sputnik Беларусь Вячаслаў Шарапаў
© Sputnik / Виктор Толочко

Беларускі на праекце "Ты супер!" пра сакрэты падрыхтоўкі да конкурсу

Радыё
Атрымаць кароткую спасылку
720

Сёння 25 лютага ў 20:00 у эфіры тэлеканала НТБ i на інтэрнэт-партале Sputnik Беларусь - трансляцыя трэцяга шоу вакальнага конкурсу "Ты супер!", у якiм прыме ўдзел і беларуска Дар'я Чарнова.

Сярод 92 удзельнікаў праекту "Ты супер!" на НТБ — дзве прадстаўніцы Беларусі Дар'я Чарнова і Анастасія Краўчэня. Выступленне Насці можна будзе ўбачыць у наступных шоу, а магчымасць паперажываць за Дашу прадставіцца ўжо сёння 25 лютага ў 20:00 на НТБ і інтэрнэт-партале Sputnik Беларусь.

Напярэдадні ад'езду ў Маскву беларускія ўдзельніцы конкурсу "Ты супер!" Даша Чарнова і Насця Краўчэня пабывалі ў студыі радыё Sputnik Беларусь і распавялі пра шматлікія моманты ў конкурснай падрыхтоўцы, якія да гэтага часу трымаліся ў сакрэце.

"Я адчуваю, у першую чаргу, адказнасць. Вядома, мэта не толькі годна выступіць, але і, як кажуць, раскруціцца, знайсці нейкую будучыню для сябе. Я канчаткова пераканалася, што гэта маё, і трэба выкарыстоўваць шанец", — распавяла Дар'я Чарнова, удакладніўшы, што падчас свайго першага выступу на конкурсе "Ты супер!" будзе выконваць песню "Белавежская пушча".

Беларуска Даша Чарнова
© Sputnik/ Елена Семёнова, Сергей Пушкин, Михаил Луханин

У сваю чаргу, Анастасія Краўчэня пакуль абрала для выканання песню на англійскай мове з рэпертуару Крысціны Алігеры, з якой звязвае няпросты перыяд у сваім жыцці.

"У мяне быў складаны перыяд, пасля якога я не спявала паўтара года, думала, што ўсё, вучоба, вакал у бок, і вось атрымала магчымасць трапіць у такі велізарны міжнародны конкурс, і гэта самая магутная песня, якая ёсць у маім рэпертуары", — распавяла Анастасія Краўчэня, чый выступ НТБ i Sputnik пакажуць у наступных шоу.

Таксама Дар'я і Анастасія распавялі пра сваё жыццё, родных гарадах, сем'ях, асабістых захапленнях, вучобе і творчых планах.

Гледачы могуць падтрымаць беларускіх удзельніц праекта, прагаласаваўшы за іх на старонцы конкурсу "Ты супер!" на сайце тэлеканала НТБ, а таксама пры дапамозе мабільнага прыкладання, якое можна бясплатна загрузіць у крамах App Store і Google Play.

Чытачы Sputnik таксама могуць звярнуцца да Дар'і і Анастасіі са словамі падтрымкі, даслаўшы свае відэа-пажаданні ў рэдакцыю Sputnik Беларусь або размясціўшы іх у асабістых акаўнтах ў сацыяльных сетках з хэштэгам #ДашаТыСупер! і #НастяТыСупер! Лепшыя відэа будуць апублікаваныя на афіцыйнай старонцы Sputnik Беларусь у Facebook.

Праект "Ты супер!" тэлеканала НТБ i міжнароднага інфармацыйнага агенцтва і радыё Sputnik дае шанец таленавітым дзецям, якія апынуліся без апекі бацькоў, заявіць пра сябе. Яго ўдзельнікі — 92 вакаліста з Расіі, Азербайджана, Арменіі, Беларусі, Грузіі, Казахстана, Кыргызстана, Малдовы, Украіны, Эстоніі.

Гутарку з беларускімі ўдзельніцамі конкурсу "Ты супер!" Дар'яй Чарновай і Анастасіяй Краўчэняй слухайце на радыё Sputnik Беларусь.

По теме

Конкурс НТБ і Sputnik "Ты - супер!"
Тэги:
дзеці, конкурс, Музыка, "Ты супер", НТБ (тэлеканал), Масква
Правілы карыстанняКаментары

Галоўныя тэмы