23:04 12 ліпеня 2020
«Радыё Sputnik»
  • USD2.43
  • EUR2.74
  • 100 RUB3.41

Рэжысёр-пастаноўшчык: праз год пасля прэм'еры "Опіум" зноў у Мінску

Радыё
Атрымаць кароткую спасылку
1720

Да Сусветнага дня тэатра ў Мінску 26 і 27 сакавіка зноў можна ўбачыць "Опіум" - першы беларускі спектакль, сродкі на які збіралі самі гледачы пры дапамозе краудфандынгавай платформы.

Рэжысёр-пастаноўшчык: праз год пасля прэм'еры "Опіум" зноў у Мінску

Прэм'ера спектакля "Опіум" па п'есе беларускага драматурга Віталя Каралёва адбылася ў красавіку мінулага года. Па планах аўтараў, спектакль ствараўся як альтэрнатыўны погляд на магчымасці сучаснага тэатра.

Пра тое, якім быў год для пастаноўкі і яе стваральнікаў, і чаму сучасная драматургія імкнецца да складаных сацыяльных і хваравітых тэм, на радыё Sputnik Беларусь распавёў рэжысёр-пастаноўшчык спектакля Аляксандр Марчанка.

"Ёсць тэндэнцыя, калі тэатр становіцца ўсё больш элітарным мастацтвам, чым проста ўстанова для забавы. Але ўсё ж такі гэта тэндэнцыя, а не заканамернасць. Тут ёсць нейкія законы, таму што драматургія — гэта спецыфічны жанр літаратуры, і яна заклікана адлюстроўваць, фіксаваць рэальнасць", — распавёў рэжысёр пра сучасныя тэатральныя тэндэнцыі.

Спектакль "Опіум" можа стаць для гледачоў жорсткім вопытам — у ім зусім няма гламура, але ёсць цэлы букет сацыяльных праблем, блізкі і зразумелы аўдыторыі, і нават ненарматыўная лексіка.

"Часы складаныя, нейкія катаклізмы, тэхнічны прагрэс, палітычныя і эканамічныя бязладзіца, і ўсё роўна жыццё чалавечага духу працягваецца. Але драматург фіксуе, як жа ўсё-ткі чалавечая душа ў гэтых складаных абставінах вымушана выжываць. Менавіта таму гледачу важна ўбачыць гэты вопыт, таму што гэта дае магчымасць рэфлексаваць на гэтыя тэмы", — распавёў Марчанка.

Акрамя таго, рэжысёр патлумачыў, чаму ў беларускіх тэатрах адчуваецца недахоп сучасных якасных камедый, і нагадаў пра тое, што да 1 мая працягваецца прыём заявак на VI Міжнародную драматургічную лабараторыю.

"У нас заўсёды роўная колькасць рэжысёраў і драматургаў, у працэсе размовы ў першы дзень лабараторыі нараджаюцца творчыя тандэмы, і на тую тэму, якую лічаць узаемна важнай, гэтыя тандэмы пішуць тэкст. Затым мы робім сцэнічныя чытанні. І пасля яны становяцца спектаклямі, калі прыцягнуць да сябе ўвагу рэжысёраў тэатраў", — распавёў Марчанка.

Гутарку з рэжысёрам-пастаноўшчыкам спектакля "Опіум" Аляксандрам Марчанкам слухайце на радыё Sputnik Беларусь.

Тэги:
спектакль, тэатр, Радыё Sputnik Беларусь, Мінск, Беларусь

Галоўныя тэмы