02:38 22 жніўня 2017
«Радыё Sputnik»
Навуковы супрацоўнік цэнтральнай навуковай бібліятэкі імя Якуба Коласа Нацыянальнай акадэміі навук Беларусі Вольга Губанава
© Sputnik/ Аляксандр Крывашэеў

Гісторык: ці сапраўды Пётр Мсціславец быў вучнем Францыска Скарыны

Радыё
Атрымаць кароткую спасылку
500-годдзе беларусскага кнігадрукавання (23)
4760

Паводле гістарычных крыніц, у дзень 19 красавіка 1563 года выдаўцы Іван Фёдараў і Пётр Мсціславец у Маскве пачалі працу над першай рускай друкаванай кнігай "Апостал".

Сапраўды, у дзень 19 красавіка 1563 года ў Маскве пачалася праца над першым друкаваным рускім выданнем — кнігай "Апостал", якую выдалі Іван Фёдараў разам з Пятром Мсіслаўцам. Гэта першае дакладна датаванае рускае выданне, распавяла на радыё Sputnik Беларусь навуковы супрацоўнік цэнтральнай навуковай бібліятэкі імя Якуба Коласа Нацыянальнай акадэміі навук Беларусі Вольга Губанава.

"Выйшла ў свет гэтая кніга амаль праз год — 1 сакавіка 1564 года. У некаторых крыніцах ёсць звесткі пра тое, што кніга была выдадзена ў нейкай ананімнай друкарні, але гэта не так. Такія ананімныя друкарні працавалі крыху раней, але ніякіх дакладных звестак пра іх не зафіксавана. А 1563 год як раз і ўвайшоў у гісторыю тым, што з'явілася першае дакладна датаванае выданне, на якім былі зафіксаваныя і дата, і імя друкароў", — распавяла Губанава.

Як паведаміла супрацоўнік бібліятэкі, кніга "Апостал" была выдадзена ў дзяржаўнай друкарні, якая была арганізавана Іванам Грозным з мэтай друкаваць славянскія праваслаўныя кнігі. Тэрыторыя расійскіх зямель на той момант значна пашырылася, узнікалі новыя храмы, таму і патрэбна была літаратура, а да таго моманту большасць кніг была рукапісная, адзначыла Губанава.

Ёсць адна з версій, што першадрукары Іван Фёдараў і Пётр Мсціславец былі выхадцамі з беларускіх зямель. Фёдараў нарадзіўся на тэрыторыі сучаснага Баранавіцкага раёну, а Мсціславец, адпаведна, на Мсціслаўшчыне, адкуль і з'явілася яго прозвішча.

"На самой справе, зараз дакладных звестак, адкуль родам пайшлі гэтыя выдаўцы, афіцыйна пакуль не прагучала. Есць даследчыкі, якія схіляюцца да гэтай версіі, але ёсць і тое, што ёй супярэчыць", — адзначыла Губанава. 

На сённяшні момант адсутнічаюць дакладныя звесткі пра тое, дзе насамрэч нарадзіліся і правялі свае юнацкія гады Іван Фёдараў і Пётр Мсціславец. Але ж афіцыйная версія схіляецца да таго, што Іван Фёдараў, як і падпісваўся "маскавіцянін", паходзіў з маскоўскай тэрыторыі. Гэта найбольш верагодная гістарычная версія, паведаміла супрацоўнік бібліятэкі.

"Інфармацыі пра Пятра Мсціслаўца зараз значна меней, чым пра Івана Фёдарава. Магчыма, ён быў менш сталага ўзросту, але па кроплях удалося назбіраць інфармацыі і пра яго. Так, вядома, што ён нарадзіўся на Магілёўшчыне, на рацэ Віхра. На думку некаторых даследчыкаў, свае юнацкія гады правёў у Пустынскім ці ў Тупячанскім праваслаўных манастырах, дзе і набыў першыя навыкі ў друкаванні кніг", — паведаміла Губанава.

Таксама ёсць цікавая версія, што пэўны час Пётр Мсціславец быў вучнем Францыска Скарыны. Сапраўды, ёсць нейкія моманты, якія падтрымліваюць гэтую версію, але ж дакладных пацверджанняў у гістарычных крыніцах даследчыкі пакуль не знайшлі, паведаміла суразмоўца Sputnik.

Гутарку з навуковым супрацоўнікам цэнтральнай навуковай бібліятэкі імя Якуба Коласа Нацыянальнай акадэміі навук Беларусі Вольгай Губанавай слухайце на радыё Sputnik Беларусь.

Тэмы:
500-годдзе беларусскага кнігадрукавання (23)

По теме

500-годдзе беларусскага кнігадрукавання
Тэги:
кнігадрукаванне, Цэнтральная навуковая бібліятэка імя Я.Коласа, Францыск Скарына, Беларусь
Правілы карыстанняКаментары

Галоўныя тэмы