Фільм-фантазія "Лістапад", зняты эстонскім рэжысёрам Райнэрам Сарнэтам, акрамя асноўнай узнагароды фэстывалю, уганараваны яшчэ двумя прэстыжнымі прызамі — "За лепшую аператарскую работу" і "За лепшае гукавое рашэнне". Дарэчы, такую ўзнагароду ўручалі на мінскім кінафестывалі ўпершыню.
Адразу пасля прыезду ў Мінск рэжысёр Райнэр Сарнэт падзяліўся эмоцыямі з карэспандэнтам тэлеканала АНТ. Галоўная ўзнагарода кінафестывалю "Лістапад" стала для стваральніка карціны вялікай нечаканасцю.
"Прамова яшчэ не гатова, але ў нас гэты фільм як эстонская казка, эстонская міфалогія. Рады бачыць, што гэта зразумела для ўсіх, што ўсе народы маюць адзін дух, што мы падобныя і, можа быць, недзе ўнутры адзіныя", — сказаў Сарнэт.
Фільм "Лістапад" прадстаўлены ў асноўным конкурсе ігравога кіно на кінафестывалі "Лістапад", зняты Райнэрам Сарнэтаму гэтым годзе. Акрамя таго, рэжысёр з'яўляецца і аўтарам сцэнарыя да фільма. Гэта сумесная вытворчасць Эстоніі, Нідэрландаў і Польшчы.
"Лістапад" — гэта чорна-белая казка для дарослых, дзеянне якой адбываецца ў паганскай эстонскай вёсцы, дзе бесталковыя мясцовыя жыхары змагаюцца з чумой, нячыстым і дамавікамі. У фільме ёсць і чорны гумар, і асноўная рамантычная лінія.
Каментар эстонскага рэжысёра Райнэра Сарнэта слухайце на радыё Sputnik Беларусь.
