23:57 20 студзеня 2018
«Радыё Sputnik»
Таццяна Давыдзюк и Наталля Басік
© Sputnik/ Валентин Филимонов

Як ствараюцца касцюмы народнай песні

Радыё
Атрымаць кароткую спасылку
11 0 0

Мастацкі кіраўнік ансамбля "Лілея" Таццяна Давыдзюк і салістка ансамбля Наталля Басік распавялі радыё Sputnik Беларусь, як ствараюцца арыгінальныя касцюмы для калектыву, рэпертуар якога складаюць народныя песні.

Напрыканцы кастрычніка беларускі ансамбль народнай песні "Лілея" стаў лаўрэатам міжнароднага творчага конкурсу "Планета мастацтваў" у Сочы, дзе заняў 2 месца ў намінацыі "народны вакал".

"Усе калектывы прывозілі з мясцовым каларытам. Нягледзячы на тое, што славяне, але ўсё, пачынаючы ад касцюмаў, упрыгожанняў, галаўных убораў, было настолькі каларытна і пазначала мясцовыя асаблівасці. Калі мы пераапраналіся, адразу было відаць, хто адкуль і хто што здатны рабiць у плане прадстаўлення сябе гледачам", — распавядае Наталля Басік. 

Аснова рэпертуару ансамбля "Лілея" — гэта фальклор, выкананне якога патрабуе і адпаведнага знешняга выгляду.

"Наш касцюм зроблены з лёну, упрыгожаны макамі. Здавалася б, просты і аўтэнтычны. Але каб яго стварыць, мы звярталіся да прафесіяналаў, да людзей, якія ведаюць гісторыю беларускага касцюма", — кажа Таццяна Давыдзюк.

У рэпертуары калектыву ёсць таксама і народныя песні ў сучаснай апрацоўцы, яны больш цікавыя падрастаючаму пакаленню. "У гэтым выпадку народная песня гучыць неяк па-іншаму, больш сучасна, і касцюм ужо выглядае па-іншаму. Але таксама мы звярталіся да спецыялістаў і захоўвалі наш арнамент, беларускую клетку ў спадніцах, фартух, нашы фарбы — чырвоныя, зялёныя і белыя, але гэта ўжо больш стылізаваны касцюм", — распавядае Таццяна Давыдзюк.

Фрагмент размовы з мастацкім кіраўніком ансамбля "Лілея" Таццянай Давыдзюк і салісткай ансамбля "Лілея" Наталляй Басік слухайце ў аўдыёзапісу Sputnik Беларусь.     

Правілы карыстанняКаментары

Галоўныя тэмы