Радыё

Філіп Чмыр: Drum Ecstasy падарылі славянам барабаны

© Sputnik / Александр КривошеевЛідар гурта Drum Ecstasy Філіп Чмыр
Лідар гурта Drum Ecstasy Філіп Чмыр - Sputnik Беларусь
Падпісацца
Лідар гурта Drum Ecstasy Філіп Чмыр распавёў у студыі радыё Sputnik Беларусь пра гісторыю стварэння калектыва і пра тое, якім будзе вялікі канцэрт калектыва, прымеркаваны да 25-гадовага юбілею.
Чмырь: мы подарили славянам барабаны

Drum Ecstasy адзначае юбілей — 25 гадоў творчага жыцця. Здаецца, у гэта складана паверыць: як быццам учора былі першыя выступы калектыву, спантанныя акцыі пад адным з мінскіх мастоў, першыя пастановачныя шоу. А між тым гурт правёў гэтую чвэрць стагоддзя на зайздрасць іншым музычным калектывам, які вельмі ганарыцца сваім знаходжаннем на сцэне дзесяткі гадоў.

Аркестр Ляпіс-98 прадстаўляе фан-відэа на песню Метелица - Sputnik Беларусь
Відэа
Аркестр Ляпис-98 прадстаўляе фан-відэа на песню "Метелица"

Унікальнае гучанне гурта дазваляе Drum Ecstasy удзельнічаць у фестывальных канцэртах і закрытых мерапрыемствах. Музыкі рэгулярна ўдзельнічаюць у запісе саўндтрэкаў да расійскіх блокбастараў, тэлевізійных праектах, у іх найшырэйшая гастрольная геаграфія. На момант стварэння калектыва ў 1992 годзе Drum Ecstasy былі, бадай, адзіным гуртом на постсавецкай прасторы, які абраў жанр "стрыт-драмс", ужо даволі папулярны на той момант у Еўропе.

"Да 2007 года мы фактычна былі адзіныя. На адным фестывалі мы сустрэліся з гуртом "Бам-Бір", гэта вядомы армянскі калектыў, музыканты, даследчыкі, яны выкладаюць. І яны нам сказалі, што мы падарылі славянам барабаны. То бок былі якіясьці лыжкі і бубны, у рок-музыцы былі барабаны, але вал менавіта барабанных ансамбляў пайшоў менавіта з нас з 2007 года. А мы проста разабралі ўдарную ўстаноўку, узялі яе ў рукі, каб хутка яе выносіць да прыезду міліцыі", — распавёў Чмыр.

Юбілейны канцэрт Drum Ecstasy пройдзе 30 лістапада ў адным з мінскіх клубаў. Музыкі абяцаюць разнастайную праграму. У яе ўвойдзе рэанімаваная праграма па беларускім фальклоры, сумесны выступ з духавым аркестрам, музычна-літаратурная частка. Таксама будзе прадстаўлена новая праграма гурта.

Гутарку з Філіпам Чмыром слухайце ў аўдыёзапісы радыё Sputnik Беларусь.

Стужка навiн
0