04:28 23 мая 2018
«Радыё Sputnik»
Галоўны рэдактар Комсомольской правды в Беларуси Андрэй Ляўкоўскі
© Sputnik /

Ляўкоўскі: беларускім радыёстанцыям не хапае сур'ёзных праграм

Радыё
Атрымаць кароткую спасылку
1210

У Сусветны дзень радыё, які адзначаецца 13 лютага, галоўны рэдактар ​​"Комсомольской правды в Беларуси" Андрэй Ляўкоўскі разважае пра тое, якія новыя магчымасці для развіцця радыёэфіру дае інтэрнэт і чаго не хапае беларускаму fm-эфіру.

У 2011 годзе Генеральная канферэнцыя ЮНЕСКА прыняла рашэнне аб штогадовым правядзенні Сусветнага дня радыё. Дата 13 лютага была абраная невыпадкова — менавіта ў гэты дзень у 1946 годзе ўпершыню загучала ў эфіры "Радыё ААН", якое размяшчалася ў штаб-кватэры Арганізацыі Аб'яднаных Нацый.

У сучаснасці вельмі сур'ёзны стымул для развіцця радыё даў інтэрнэт, адзначыў у гутарцы на радыё Sputnik Беларусь галоўны рэдактар ​​"Комсомольской правды в Беларуси" Андрэй Ляўкоўскі.

"Тут сістэма спажывання іншая. Тут ужо не вам нешта навязваюць, а вы самі можаце выбіраць, якія падборкі рабіць або праграмы слухаць", — сказаў суразмоўца.

Акрамя таго, на думку галоўнага рэдактара "КП в Беларуси", самі сучасныя радыёстанцыі ўжо не могуць сабе дазволіць гучаць толькі ў fm-дыяпазоне.

"Радыё ўжо не можа існаваць толькі як радыё, ужо павінна быць "карцінка". Не было б "карцінкі" на радыё "Комсомольская правда", зусім іншы быў бы "хайп" ад падзей", — адзначыў Ляўкоўскі, прыгадаўшы нядаўнюю бойку ў маскоўскай радыёстудыі двух вядомых журналістаў Мікалая Сванідзэ і Максіма Шаўчэнкі.

Акрамя таго, суразмоўца Sputnik выказаўся і пра падзенне цікавасці аўдыторыі да эфіраў беларускіх радыёстанцый.

"Не хапае сур'ёзных праграм і аналітыкі, таму што ўсе радыёстанцыі ў Беларусі забаўляльныя. І задачы іх у тым, каб пацешыць, але іншая справа, наколькі паспяхова яны гэта робяць. Пра гэта меркаваць радыёслухачам", — сказаў Ляўкоўскі.

Фрагмент гутаркі з галоўным рэдактарам "Комсомольской правды в Беларуси" Андрэем Ляўкоўскім слухайце на радыё Sputnik Беларусь.

Тэги:
Радыё Sputnik Беларусь, Андрэй Ляўкоўскі, Мінск, Беларусь
Правілы карыстанняКаментары

Галоўныя тэмы