08:01 30 мая 2020
«Радыё Sputnik»
  • USD2.41
  • EUR2.68
  • 100 RUB3.41

Варанецкі: я збіраўся прысвяціць жыццё не тэатру, а жывапісу

Радыё
Атрымаць кароткую спасылку
2710

Заслужаны артыст Беларусі, акцёр Купалаўскага тэатра, педагог і мастак Фама Варанецкі ў дзень свайго 80-гадовага юбілею распавёў радыё Sputnik Беларусь аб першым тэатральным поспеху, праблемах сучаснай тэатральнай адукацыі і сваім захапленні жывапісам.

Воронецкий: собирался посвятить жизнь не театру, а живописи

Заслужаны артыст Рэспублікі Беларусь, акцёр Нацыянальнага акадэмічнага тэатра імя Янкі Купалы, педагог і мастак Фама Сільвестравіч Варанецкі 23 сакавіка адзначае свой 80-гадовы юбілей.

Любімы публікай артыст упершыню выйшаў на тэатральную сцэну ў 1961 годзе, і першая ж яго роля Раскольнікава ў спектаклі Віцебскага драмтэатра імя Коласа "Злачынства і пакаранне" прынесла яму прэмію за лепшую мужчынскую ролю ў сезоне і славу ў беларускім тэатральным асяроддзі. Затым Варанецкі выступаў у некалькіх тэатрах СССР, а ў 1971 годзе прыйшоў у Купалаўскі тэатр, на сцэне якога стварыў шэраг незабыўных вобразаў, а аднойчы ў адным са спектакляў сыграў двух розных герояў.

Сэлфі на сцэне і гісторыя "Паўлінкі": у Купалаўскім пройдзе Тыдзень тэатра>>

Больш за 20 гадоў Фама Варанецкі выкладаў у Беларускай акадэміі мастацтваў акцёрскае майстэрства. Але ў апошнія некалькі гадоў адышоў ад выкладчыцкай дзейнасці, на жаль, не толькі ў сілу асабістых прычын.

"Я не вельмі разумею, што там адбываецца. З'явілася маса людзей, якія да гэтага дачынення не маюць. Што можа адбывацца, калі чатыры гады дзяржаўныя экзамены здаюць у аўдыторыі і ў калідоры, а не на сцэне? Ды і ўсюды праблема з узроўнем выкладання, глядзіце, і ў Расіі ж таксама: Табакоў, апошні гігант, які трымаў тэатральную школу, пайшоў. Чаму такім узрушэннем быў Смактуноўскі, які вярнуў школу, самавук з Краснаярскай студыі нейкі? Дарэчы, яго бацькі з Брэсцкай вобласці. Я, калі ўбачыў яго, то быў узрушаны і доўга пераймаў яго майстэрства", — прызнаўся Варанецкі.

У адным з тэлевізійных праектаў Фама Варанецкі ўвасобіў усіх беларускіх князёў ад Усяслава Чарадзея да сямейства Радзівілаў. Распавёў артыст і пра тое, што ў юнацтве збіраўся стаць мастаком і нават хацеў паступаць у мінскае мастацкае вучылішча. А да жывапісу акцёр вярнуўся пасля страты сваёй жонкі.

Рэдакцыя Sputnik Беларусь віншуе юбіляра з 80-годдзем і жадае артысту здароўя, творчых поспехаў і доўгіх гадоў жыцця.

Гутарку з заслужаным артыстам Беларусі Фамой Варанецкім слухайце ў аўдыёзапісе радыё Sputnik Беларусь.

По теме

"Рэвізор" па-беларуску: у Купалаўскім прадставілі новае прачытанне Гогаля
Вёска без лапцей і шэрасці: у Купалаўскім паставілі п'есу "Зямля Эльзы"
Тэги:
Юбілей, Нацыянальны акадэмічны тэатр імя Янкі Купалы, Фама Варанецкі, Беларусь

Галоўныя тэмы