10:46 18 чэрвеня 2018
«Радыё Sputnik»
  • USD2.00
  • EUR2.32
  • 100 RUB3.19
Кіраўнік Міністэрства адукацыі Ігар Карпенка
© Sputnik / Виктор Толочко

Карпенка: у экзаменаў у школах і пры паступленні ў ВНУ будзе новы фармат

Радыё
Атрымаць кароткую спасылку
Уступная кампанія 2018: апошнія навіны (19)
29 0 0

Міністр адукацыі Беларусі Ігар Карпенка распавёў тэлебачанню, якім чынам будуць зменены выпускныя іспыты ў школах так, каб існаваў баланс з уступнымі выпрабаваннямі ў ВНУ і ССНУ і паменшылася колькасць пытанняў пры падліку балаў.

Асноўная праблема цяперашніх выпускных і ўступных выпрабаванняў складаецца ў тым, што форма выпускнога экзамену ў школах не адпавядае форме ўступных экзаменаў у ВНУ і ССНУ краіны, паведаміў міністр адукацыі Беларусі Ігар Карпенка ў інтэрв'ю тэлеканалу СТБ.

"Напэўна, мы павінны выйсці на нейкую формулу, якая дазволіла б збалансаваць патрэбы і школы, і навучэнца, і бацькоў, і вывесці цалкам на новы фармат", — адзначае Карпенка.

Такая новая формула адпаведнасці выпускных выпрабаванняў уступным не павінна стаць "ні для каго громам сярод яснага неба" і можа быць прыменена ўжо ў наступным годзе, перакананы кіраўнік Мінадукацыі.

Акрамя таго, на думку міністра, за цэнтралізаваным тэсціраваннем нельга страціць асобу абітурыента, як гэта ў многіх выпадках адбываецца цяпер. Верагодна, па асобных спецыяльнасцях у перспектыве могуць з'явіцца ўнутраныя ўступныя выпрабаванні.

"Мы, дарэчы, разглядаем пытанне змянення метадалогіі падліку балаў цэнтралізаванага тэставання. Зараз у нас шкала рэйтынгу. Многія бацькі і навучэнцы не разумеюць, як гэта так — ён меў, дапусцім, васьмёрку ў сярэдняй школе па матэматыцы, а тэст раптам напісаў на 45 балаў. Дык гэта што — 4,5 бала?" — распавёў Карпенка.

З улікам вялікай колькасці падобных пытанняў у Міністэрстве адукацыі на дадзены момант распрацавана новая метадалогія падліку балаў, якая будзе апрабавана ўжо ў гэтым годзе.

"Мы гаворым аб абсалютнай шкале балаў, якая дазволіла б навучэнцам і бацькам выразна супастаўляць узровень адзнакі ў школе з узроўнем ацэнкі па цэнтралізаваным тэсціраванні", — паведаміў Карпенка.

Пры гэтым, па словах міністра, старая сістэма падліку балаў ніякім чынам не будзе ўплываць на вынік паступлення, вынік другой сістэмы нават не будзе давацца на рукі абітурыентаў.

"Гэта для сябе робім", — адзначыў кіраўнік Мінадукацыі.

Фрагмент гутаркі з міністрам адукацыі Беларусі Ігарам Карпенкам слухайце на радыё Sputnik Беларусь.

Тэмы:
Уступная кампанія 2018: апошнія навіны (19)
Тэги:
паступленне, ЦТ, Міністэрства адукацыі РБ, Ігар Карпенка, Мінск, Беларусь
Правілы карыстанняКаментары

Галоўныя тэмы