Вядомы расійскі кінарэжысёр і сцэнарыст Кіра Муратава памерла на 84-м годзе жыцця, пакінуўшы пасля сябе творчую спадчыну, якая, без сумневу, прэтэндуе на ўзровень кінакласікі з арыгінальным аўтарскім прачытаннем часу, у якім яна жыла і тварыла.
Вядомы расійскі кінакрытык Аляксандр Шпагін распавёў радыё Sputnik Беларусь аб яркім таленце Муратавай і прыадкрыў заслону таямнічасці і карнавальнай сутнасці яе кінематаграфічных апавяданняў.
"Фільмы Муратавай — гэта надзвычай гратэскнае дзейства на ўзроўні трагічнага карнавала, перапоўненае нейкімі незвычайнымі істотамі, дзівакамі, якія граюць кожны на сваёй дудзе. Кожны яе фільм — гэта метафізічна-сацыяльнае адлюстраванне той дзіўнай рэальнасці, дзе карнавал і рэалізм зліваюцца ў адно цэлае", — распавядае крытык.
Гутарку з кінакрытыкам Аляксандрам Шпагіным слухайце ў аўдыёзапісе на радыё Sputnik Беларусь.
