02:01 17 снежня 2018
«Радыё Sputnik»
  • USD2.12
  • EUR2.40
  • 100 RUB3.19

Серабранскі: мабільнікі пагаршаюць памяць і могуць правакаваць рак мозгу

Радыё
Атрымаць кароткую спасылку
1210

Уздзеянне на псіхіку, зніжэнне імунітэту і нават імпатэнцыя ў мужчын - такі далёка не поўны пералік небяспечных наступстваў пастаяннага выкарыстання мабільных тэлефонаў і смартфонаў, сцвярджае заслужаны ўрач РФ, прафесар Юры Серабранскі.

 

Сучасныя сродкі сувязі, такія як смартфоны і мабільныя тэлефоны, небяспечныя сваім электрамагнітным выпраменьваннем для карыстальнікаў любога ўзросту, але ў асаблівасці для дзяцей, распавёў у інтэрв'ю радыё Sputnik заслужаны ўрач РФ, доктар медыцынскіх навук, прафесар, кардыёлаг, эксперт у галіне біярытмалогіі Юрый Серабранскі.

"Калі казаць аб мабільных тэлефонах, галоўным дзеючым пачаткам у іх з'яўляецца электрамагнітнае поле. Асаблівасці дзіцячага арганізма ў тым, што ён паглынае на 50-70% больш электрамагнітных выпраменьванняў, чым дарослы арганізм. Адсюль назіраюцца розныя наступствы: ўздзеянне на псіхіку і на развіццё, нервовасць, дзеці часцей плачуць, у іх можа быць зніжэнне імунітэту, схільнасць да прастудных захворванняў, акрамя таго, і ў дзяцей, і ў дарослых можа развівацца тугавухасць", — сказаў Серабранскі.

На думку спецыяліста, залежнасць ад смартфонаў шмат у чым падобная да алкагольнай, наркатычнай і інфармацыйнай залежнасцяў. І наступстваў для здароўя ў выніку такой залежнасці можа быць не менш.

"Мы ўсё часцей сутыкаемся са скаргамі дарослых людзей на зніжэнне памяці, хоць, здавалася б, у 20-30 гадоў памяць павінна быць на добрым узроўні. Акрамя таго, даследванні паказалі, што падчас цяжарнасці ад электрамагнітных выпраменьванняў пашкоджваецца плод або можа адбыцца выкідыш. І калі тэлефонны апарат знаходзіцца паблізу рэпрадуктыўных органаў у мужчын, гэта можа паўплываць на іх "мужчынскія" здольнасці", — адзначыў Серабранскі.

Улічваючы, што многія цяпер практычна не выпускаюць з рук мабільныя тэлефоны і смартфоны, трэба памятаць пра тое, што шкода можа быць нанесеная і гарманальнай, і імуннай сістэме. Акрамя таго, доўгае знаходжанне апарата каля вуха можа нанесці пашкоджанні цэнтральнай нервовай сістэме, аж да развіцця анкалагічных захворванняў галаўнога мозгу, сказаў спецыяліст.

Фрагмент гутаркі з заслужаным урачом РФ, доктарам медыцынскіх навук, прафесарам, кардыёлагам і экспертам у вобласці біярытмалогіі Юрыем Серабранскім слухайце на радыё Sputnik Беларусь.

Тэги:
Медыцына і здароўе, Расія

Галоўныя тэмы